Page 4 of 6
Posted: Fri May 20, 2005 12:45 am
by najma
Pareshan baal, aansoo ankh main, utri hooi soorat
Naseeb-e-dushmanan aaye ho aisay main kahan hoker
Posted: Fri May 20, 2005 12:48 am
by Hashmat Usmani
phir saawan rut kii pavan chalii, tum yaad aaye
phir pattoN kii paazeb bajii, tum yaad aaye
ek gaanaa yaad aayaa isii mauz'oo par:
jab chalii ThanDi hawaa, jab chalii kaalii ghaTaa
mujhko, ai jaan-e-vafaa! tum yaad aaye
Nasiir Kaazmii
Posted: Fri May 20, 2005 12:51 am
by najma
phool sa mukhRa kahaaN se laaooN maiN
dhuul se raahoN ka chehra att gaya
khawar
Posted: Fri May 20, 2005 12:57 am
by Hashmat Usmani
phuuloN kii TahniyoN pe nasheman banaaiye
bijlii gire to jashn-e-charaaGhaaN manaaiye
Abdul Hameed "Adam"
Posted: Fri May 20, 2005 2:04 am
by najma
phir saavan rut kii pavan chalii tum yaad aaye
phir pattoN kii paazeb bajii tum yaad aaye
Posted: Fri May 20, 2005 2:06 am
by Hashmat Usmani
phir shab-e-Gham ne mujhe shakl dikhaaii kiuNkar
yeh balaa ghar se nikaalii huii aaii kiuNkar
DaaGh Dehlavii
"pe"
Posted: Fri May 20, 2005 2:20 am
by Abdullah Nazir
parvaaz-e-shauq baRhgaiee ummeed-e-vasl meiN
Apni bulandiyaoN se nah zaalim giraa mujhe.
Nazir.
Posted: Fri May 20, 2005 2:22 am
by Hashmat Usmani
phir daaman-e-ummiid vo phuuloN se bhar gayaa
jaaduu bharii nigaah se jaaduu-saa kar gayaa
Mushtaaq AHmad "Khayaal"
Posted: Fri May 20, 2005 2:23 am
by najma
phir wohii jalwa sar-e-tuur dikhado inko
aag se khel rahay haiN, to jala do inko
najma
Posted: Fri May 20, 2005 2:25 am
by Hashmat Usmani
phir se mausam bahaaroN kaa aane ko hai
phir se rangiiN zamaanaa badal jaayegaa
ab ke bazm-e-charaaGhaaN sajaa leNge ham
yeh bhii aramaaN dil kaa nikal jaayegaa
Zaahid
Posted: Fri May 20, 2005 2:26 am
by najma
paaeeN kahn se tum ne musalsal masarrateN
hamko bhi kuch batao, tabii,at udaas hay
najma
Posted: Fri May 20, 2005 4:23 am
by Hashmat Usmani
parishaaN raat saarii hai, sitaaro, tum to so jaao!
sukuut-e-marg taarii hai, sitaaro, tum to so jaao!
Qateel Shifaaii
Posted: Fri May 20, 2005 12:46 pm
by najma
phool sa mukhRa kahaaN se laaooN maiN
dhuul se raahoN ka chehra att gaya
Posted: Sat May 21, 2005 1:08 am
by Hashmat Usmani
pattaa_pattaa, buuTaa_buuTaa Haal hamaaraa jaane hai
jaane na jaane gul hii na jaane, baaGh to saaraa jaane hai
Meer Taqii "Meer"
Posted: Sat May 21, 2005 1:19 am
by najma
paareena daastaaN huee yuunaan-o-ruum kii
zehn-e-jadeed k haiN ufuq bhi naey naey
khawar