• Lafz par Ashaar#10--"ARZOO "

Posted: **Fri May 27, 2005 9:00 am**

yeh aarzoo thi tujhe gul ke roo baroo karte
ham aur bulbul-e-betaab guftagu karte

Posted: **Fri May 27, 2005 12:32 pm**

Muhabbat meiN nah karte aarzoo tou aur kyaa karte

yehi tou ek Tareeqah thaa kisi ko aazmaane ka.

fil...

Nazir.

Posted: **Fri May 27, 2005 12:35 pm**

aarzoo ka fasanah kaun sune
aarzoo be-zabaan hotii hay
najma

Posted: **Fri May 27, 2005 12:57 pm**

dil kii yeh aarzoo thii koii dil_rubaa mile
ab tak to jo bhii dost mile, be_vafaa mile

Posted: **Sat May 28, 2005 3:00 am**

maiN aur us Guncha_dahan kii aarzuu
aarzuu kii sadgii thii maiN na thaa

Abdul Hameed Adam

Posted: **Sat May 28, 2005 3:58 am**

'ishq kii maar baRii dardiilii, 'ishq meN jii na phaNsaanaa jii!
sab kuchh karnaa, 'ishq na karnaa, 'ishq se jaan bachaanaa jii

Ganesh Bihari "Tarz"

Posted: **Sat May 28, 2005 9:21 am**

fuGhaaN ka zikr kareN, aarzuu ki baat kareN
isee bahaane kisii Khoobroo kii baat kareN

Posted: **Sat May 28, 2005 2:14 pm**

Aarzoo noor-e-haqeeqat ki hamarey dil meiN hai
laila-i-zauq-e-talab ka ghar issi mehmil meiN hai

Posted: **Sun May 29, 2005 8:29 pm**

shikast-e-aarzoo per dil kii naadaani pah hanstaa hooN

jafaa kartaa hei woh, meri pareshaani nahiN jaati.

Nazir.

Posted: **Mon May 30, 2005 5:08 pm**

dil meN mahek rahe haiN kisii aarzuu ke phuul
palkoN meN khilne_vaale haiN shaayad lahuu ke phuul

Javed AKhtar

Posted: **Mon May 30, 2005 10:18 pm**

ye aarzoo bhi baRee cheez hai, maghar humdam!
wisaal-e-yaar faqat Aarzoo ki baat naheeN

Posted: **Tue May 31, 2005 2:29 am**

Na ummeedi barh gayee hai kuchh is qadr
Aarzoo ki aarzoo hone lagi hai

Posted: **Tue May 31, 2005 11:15 am**

mire dil kidhakanoN meiN tira naam aagayaa hay
mujhe aarzoo thi siki, wo muqaam aagayaa hay

Posted: **Wed Jun 01, 2005 12:17 pm**

baat karne mein wo un-aaNkhoN se amrit Tapkaa

arzoo dekhte hii munh mein bhar aayaa paanii

Posted: **Wed Jun 01, 2005 7:47 pm**

weeraN haiN jaam paas karo kuch bahar ka
dil aarzoo se pur karo aankhien laho se pur