lafz par ash'aar #31---dil/jigar

Post by **Daanish** » Sun Aug 20, 2006 3:29 am

umeedwaar haiN har samt a'asshiqoN ke giroh
tiri nigaah ko Allah dil nawaaz kare--Hasrat Mohaani

Abdullah Nazir · Post by **Abdullah Nazir** » Sun Aug 20, 2006 4:12 am

aarzoo-e-dil nah rou roukar kahiN dam touRde

chup nah houjaayeN kahiN parde ke andar chooRiyaaN.

Shaayer: Abdullah Nazir.

Nazir.

Post by **Daanish** » Sun Aug 20, 2006 12:30 pm

'dil'

dard-e-dil, paas-e-wafaa, jazba-e-iimaaN hona
aadmiyyat hai yahi, aur yahi insaaN hona
--Pandit Brij Narain 'Chakbast'

Abdullah Nazir · Post by **Abdullah Nazir** » Mon Aug 21, 2006 5:21 am

dasht-e-ghurbat meiN nah chaiR ai hamsafar gulshan kee baat

zikr-e-faSl-e-gul se zakhm-e-dil kaheeN taazah nah hou.

Shaayer: Abdullah Nazir.

Nazir.

Post by **Daanish** » Mon Aug 21, 2006 1:48 pm

'dil'

ai taazah_waaridaan-e-bisaat-e-hawa-e-dil
zinhaar, agar tumheiN hawas-e-nai-o-nosh hai--Ghalib

Abdullah Nazir · Post by **Abdullah Nazir** » Tue Aug 22, 2006 6:09 am

dekhtaa kaun hei majrooH jigar kee Soorat

teer jab chalte heiN duzdeedah nazar kee Soorat.

Shaayer: Abdullah Nazir.

Nazir.

Post by **Daanish** » Tue Aug 22, 2006 4:41 pm

'dil'

maiN aur ek aafat ka TukDaa woh dil-e-veHshi ke hai
aafiyat ka dushman aur aawaargi ka aashnaa--Ghalib

Abdullah Nazir · Post by **Abdullah Nazir** » Wed Aug 23, 2006 3:42 am

naakhun-e-joush-e-junooN uqdah-kushaay-e-gham-e-dil

qaabil-e-shukr hei oos kaakul-e-paichaaN kaa khayaal.

Shaayer: Abdullah Nazir.

Nazir.

ummassad · Post by **ummassad** » Wed Aug 23, 2006 4:44 am

aalam hey gulaam uskey jalaal.e. azli ka
ak dil hey kh her lehza ulajhta hey khirad sey.
(allama iqbal.)

Post by **Daanish** » Wed Aug 23, 2006 6:50 am

'dil'

dil lagaakar, lag gaya unko bhi tanhaa baiThhna
baare, apni bekasi ki hum ne paayi daad yaaN--Ghalib

Abdullah Nazir · Post by **Abdullah Nazir** » Wed Aug 23, 2006 11:46 am

talkhi-e-gham-e-hijraaN hei azaab-e-jaaN :Nazir:

jaane kyaa milaa usko meraa dil jalaane se.

Shaayer: Abdullah Nazir.

Nazir.

Post by **Daanish** » Thu Aug 24, 2006 3:20 am

dil

dil hi bujha hu'a hai, tau lutf-e-bahaar kya?
saaqi hai kya, sharaab hai kya, sabzah_zaar kya?
--Pt. Brij Narain Chakbast

Post by **PK Swami** » Thu Aug 24, 2006 4:15 pm

dil meiN teri yaad bohat hai
ye bastee aabaad bohat hai

jiskaa nasheman sehraa Thahraa
vo panchhee azaad bohat hai

PK Swami

hassan_bashir · Post by **hassan_bashir** » Fri Aug 25, 2006 12:00 pm

"aaNsoo to phir aaNsoo haiN, ko'ii poNchh hi de ga
us Khoon ka kyaa hoga jo Tapkaa hai jigar se?"

Post by **Daanish** » Fri Aug 25, 2006 12:13 pm

dil

marne ki ai dil aur hi tadbiir kar ke maiN
shaayaan-e-dast-o-baazu-e-qaatil nahiN raha--Ghalib