Page 4 of 8
Posted: Mon Dec 18, 2006 7:49 pm
by hassan_bashir
*---------------------------------------------------------------------------------*
dekhaa kiye vo mast nigaahoN se baar-baar,
jab tak sharaab aaye kaee daur ho gaye!!
*---------------------------------------------------------------------------------*
sharaab
Posted: Tue Dec 19, 2006 2:46 pm
by Abdullah Nazir
"khizaaN meiN murgh-e-chaman maikade ke saakin houN
bahaar rakhti hei gul gooN sharaab sheeshe meiN".
Shaayer: Haider Ali. :aatish:
Nazir.
Posted: Thu Dec 21, 2006 8:03 am
by hassan_bashir
gar aag maikashoN kii sazaa hai to Ya Khudaa
dozaKh meiN ek nahar bahaa de sharaab kee 
sharaab
Posted: Sat Dec 23, 2006 6:01 am
by Abdullah Nazir
nah iltifaat-e-nazar hei nah pursishe gham hei
agar sharaab moyassar nah hou tou kyhaa keeje..
Shaayer: Abdullah Nazir.
Nazir.
Re: sharaab
Posted: Sun Dec 24, 2006 6:18 am
by hassan_bashir
WEBMASTER wrote:
nah iltifaat-e-nazar hei nah pursishe gham hei
agar sharaab moyassar nah hou tou kyhaa keeje..
Shaayer: Abdullah Nazir.
Nazir.
kisii tarah to jame bazm maikade vaaloN
nahiiN jo baada-o-saagar to haa-o-huu hi sahi 
Posted: Mon Dec 25, 2006 7:21 am
by balvinder
ham vah maiy-kash hain ki saaghar kee tarah ai saaqee
sar hameshaa teree khidmat mein rahaa kham apnaa
''shaad'' azeemabadi
Posted: Mon Dec 25, 2006 11:49 am
by hassan_bashir
baadal ki tarah jhoom k lehraa k piyeN ge
saaqii tere maikhaane pe ham Chha k piyeN ge
un-mad bhari aaNKhoN ko bhi sharmaa k piyeN ge
paimaane ko maikhaane se Takraa k piyeN ge
baadal bhi hai, baada bhi hai, miina bhi hai, tum bhi!
itraaaaaane ka mausam hai itaraaaaaa k piyeN ge
dekheN ge k aata hai kidhar se Gham-e-duniya
saaqii tujhe ham saamne biThalaa k piyeN ge
Posted: Mon Dec 25, 2006 12:32 pm
by balvinder
aabaad karein baadaa-kash allaah kaa ghar aaj
din jumme ka hai band hain maiy-khaane ke dar aaj
maiy-khaana hamaara koee masjid to nahee'n hai
tasbeeh liye kaun buzurg aaye idhar aaj ?
mai
Posted: Tue Dec 26, 2006 1:44 am
by Abdullah Nazir
"koii mai band kare koii pari sheeshe meiN
mukhtariA ham heiN ke aatish hei bhari sheeshe meiN".
Shaayer: naa maAloom
Nazir.
Posted: Thu Dec 28, 2006 10:12 am
by balvinder
yah vasf-e-khaas maiy-khushgawaar mein dekhaa
khushee mein yaar bhee hai, gham mein gham-gusaar bhee hai
mai
Posted: Sat Dec 30, 2006 5:57 pm
by Abdullah Nazir
haath meiN hei jaam-e-mai aur lab peh naam allah kaa
"ham nah kehte thay ke HaZrat paarsaa kahne ko heiN". Mumin.
Shaayer: Abdullah Nazir.
Nazir.
sharaab
Posted: Wed Jan 03, 2007 4:27 am
by Abdullah Nazir
chashm-e-karam se unki muyassar nahiN sharaab
us maikade kaa faiZ-e-ravaaN khatm hougayaa. .
Shaayer: Abdullah Nazir.
Nazir.
Posted: Sat Jan 13, 2007 9:52 am
by balvinder
duaa-e-taubaa bhee hamne parhee to maiy peekar
majaa hee hamko kisee shaiy ka be-sharaab na thaa
mai
Posted: Sun Jan 14, 2007 3:12 pm
by Abdullah Nazir
Allah re suroor-e-mai-e-chashm-e-mahlaqaa-
do ghoonT kyaa piyee thay nasha umr bhar rahaa.
Shaayer: Abdullah Nazir.
Nazir.
Posted: Mon Jan 15, 2007 7:51 am
by hassan_bashir
merii tabaaaahii kaa ilzaaaaam ab sharaab pe hai
maiN aur kartaa bhii kyaa tum pe aa rahii thii baat