Shair ka jawab shair main dejeye

[Abdullah Nazir]

Her koii sehpasandee ki Taraf maayil hei
Warnah her baat maiN gehraayi hei geerayi hei
Jaan letaa hooN lab o lehje se dil kee Haalat
Meri dunyaa se zamaane kee shinaasaayi hei
Jis jagah hou nah khulooS aur muHabbat baaham
Aisi meHfil se bhalaa gosha-e-tanhaayi hei.


Shaayer: Abdullah Nazir.



Nazir.

[Muzaffar Ahmad Muzaffar]

[align=center]

"Her koii sehpasandee ki Taraf maayil hei
Warnah her baat maiN gehraayi hei geerayi hei

Jaan letaa hooN lab o lehje se dil kee Haalat
Meri dunyaa se zamaane kee shinaasaayi hei

Jis jagah hou nah khulooS aur muHabbat baaham
Aisi meHfil se bhalaa gosha-e-tanhaayi hei"

Shaayer: Abdullah Nazir.

mera jawab!

kehta hee raha tujh~ se keh peYare naheeN achch~e
har waqt yeh palkooN peh sitare naheeN achch~e

un hee se to aabad hai yeh sheher-e-muHabbat
kehte ho jinheeN dard ke mare naheeN achch~e

is sheher meN tera bh~ee koee jurm to ho ga
ilzaam mire zaat peh sare naheeN achch~e

aese to parindooN kee yeh hijrat naheeN :kashif:
lagta hai keh maosam ke ishare naheeN achch~e.

sha'ier (Kashif Majeed)[/align]

[Abdullah Nazir]

b]


Rah-e-wafaa meiN nah karde gunaahgaar mujhe
Zaraa sanbhaal ke le chal khayaal-e-yaar mujhe
Nah maut bus meiN nah jeene peh ihtiyaar mujhe
kahaaN peh chouRdiyaa tuu ne qalb-e-zaar mujhe
mile heiN ranj o alam go keh be-shumaar mujhe
banaadiyaa hei muHabbat ne pujr-waqaar mujhe
rahaa nah ZabT o taHammul nah hei qaraar mujhe
talaaTum-e-gham hasti ke paar utaar mujhe
bakhere chaahe zamaanah hazaar baar mujhe
maiN tere gaisoo ke maanand hooN saNwaar mujhe
nah jaane kab miri nazaraoN se door houjaaye
"tuu meri jaan hnei kyaa teraa iAtibaar mujhe"
zuhoor-e-fitan-e-Aalam thaa jalvah-e-jaanaaN
isi liye hei qiyaamat kaa intizaar mujhe
kisi kee chashm-e-fusooN-saaz ne kiyaa ruswaa
her aek shakhS samajhtaa hei baadahkhwaar mujhe
maiN aek peR sahi aaj tak hooN saayah figan
khizaaN ko sounp nah de mausam-e-bahaar mujhe
khaTaa hou meri tou le kaam Saaf-goyii se
balaa se guzre tiri baat naagawaar mujhe
nah pooch kaunsi manzil hei tere :Nazir: kee
nah kar khudaa ke liye aur sharmsaar mujhe.

Shaayer: Abdullah Nazir.



Nazir.
[/b]

[Zee]

tu apni baaton se nah kar yun sogawar mujhe
tere liye mai bani hoon tu hi kar pyar muje

tadap de thori aur de thora intezar muje
isi tarah se kiya kar tu beqaraar muje

suna de phir voh sadaa waise hi pukar muje
tu aake jaan e jahan ab zara nikhar muje

bas aik shay se hai matlab sun mere yaar muje
kisi tarah se de de tu ab deedar muje

tu de de gham 0 alam saare ab udhar muje
tere bina tau lage jeevan ik azaar muje

udaas lab hain, bikhray gesoo tu sanwaar muje
surkhru karke tu le chal apne dayaar muje

[Zee]

ae badal de de apni parwaz muje
bularaha door se hai mera dildar muje

[Abdullah Nazir]

taras gayaa tire SeHraa meiN qaTre qaTre ko

kuch itni pyaas thee baahar zabaaN nikal aayi.

Shayer: Abdullah Nazir.


Nazir.

[Zee]

voh tashnagi jo satati rahi hai ab tak tujhe
usse mitane ki khatir ham jal thal kardenge

[Abdullah Nazir]

WaAdah wafaa nah karnaa hougi sirisht lekin

tum jhooT boulte hou kis khoobSoorati se.

Shaayer: Abdullah Nazir.



Nazir.

[Zee]

jhoot bolen tau tum saza dena
warna mooh maanga enaam de dena

[Abdullah Nazir]

jinko furSat nah thee sahnwarne se

mere dil kaa khayaal kyaa karte.

Shaayer: Abdullah Nazir.



Nazir.

[Zee]

pyar karte hain tabhi kehte hain
door ki dosti nahin achi

[Muzaffar Ahmad Muzaffar]

[align=center]aek aesa shakhS banta ja raha hooN maiN Munir
jis ne khud par band Husn-o-jaam-o-badah kar liYa.

shae,ir Munir NeYazi[/align]

[Abdullah Nazir]

chaak jab pardah-e-zulmat houaa, yeh bhed khulaa

Teri zulfaoN ne kiyaa kitnaa pareshaaN mujhko

Shaayer: Abdullah Nazir.



Nazir.

[MAHROO]

dekh kar hamko yun voh bekhud howay
liya bosa aur khud hi sharma gaye

[Muzaffar Ahmad Muzaffar]

[align=center]mile naz^ar se naz^ar to khumaar aata hai
mua'amlaat pat fit^ree nikh~aar ata hai.

( Abdul Hamid A'dam)[/align]