Lafz par Ashaar#10--"ARZOO "

Post by **najma** » Fri Jun 03, 2005 10:39 pm

kya huey wo din, keh mehv-e-aarzoo thay husn-o-ishq
rabt tha donoN meiN, go rabt-e-shinasaaee na thaa
hasrat

ummassad · Post by **ummassad** » Mon Dec 12, 2005 4:52 pm

ye aarzu-e-deed thi ke baad -e- marg bhi
aankhain hui hain tere intizar main

Abdullah Nazir · Post by **Abdullah Nazir** » Sun Jul 23, 2006 3:02 am

raah-e-ulfat meiN jale yooN dard o gham kee dhoop meiN

iltifaat-e-yaar kee bhee aarzoo baaqi nahiN.

Shaayer: Abdullah Nazir.

Nazir.

ummassad · Post by **ummassad** » Sat Aug 05, 2006 4:53 am

vo AARZU.e.deed thi kh baad.e.merg bhi
aankhain khuli hui hain terey intizar main

Post by **Daanish** » Thu Aug 10, 2006 1:12 pm

dilam sooKht, tanam sooKht, ustaKhwaanam sooKth
tamaam sooKhtam wa sooKhtan aarzoo baaqiist

(mera dil jal gaya, jism jal gaya, haDDiyaaN jal gayiiN
mukammal jal gaya huN magar jalne ki aarzoo baaqui hai)

Post by **Daanish** » Mon Aug 21, 2006 3:35 pm

'aarzoo'

Khwaahish-e-Hoor hai 'Ghaafil' na hawas jannat ki
aarzoo hai ke na ho kuchh bhi tamanna hum ko--'Ghaafil'

Post by **Daanish** » Tue Aug 22, 2006 5:11 am

'aarzoo'

aarzoo-e-vasl meiN ho jayega apna visaal
hijr hi meiN zindagi ke din basar ho jayenge--Amaanat

Post by **PK Swami** » Thu Aug 24, 2006 5:23 pm

hai husool.e aarzoo kaa naam tark.e aarzoo
maine duniyaa choR dee to mil gayee duniyaa mujhe !

PK Swami

Post by **Daanish** » Mon Aug 28, 2006 12:08 pm

'aarzoo'

tiri aarzoo ho agar aarzoo ho
yahi aarzoo hai agar aarzoo hai
--NaasiKh

Lafz par Ashaar#10--"ARZOO "

asak

aarzoo