SAWALIYAH ASH,AAR========

Abdullah Nazir · Post by **Abdullah Nazir** » Sun Aug 14, 2005 1:38 am

kyaa sunaaooN tujhe roodad-e-gham-e-dil apni

aur pecheedah houii jaati hei mushkil apni.

Nazir.

Post by **Shummu** » Sun Aug 14, 2005 12:22 pm

Kabhi raazi to kabhi mujhse khafa lagti hai
Zindagi too hi bata tu meri kya lagti hai?"

Abdullah Nazir · Post by **Abdullah Nazir** » Wed Aug 17, 2005 6:06 am

kyaa hougayaa hei tum ko, miri maante nahiN

YooN mil rahe hou jaise mujhe jaante nahiN.

???

Nazir.

Abdullah Nazir · Post by **Abdullah Nazir** » Wed Aug 17, 2005 1:40 pm

kiyuN dikhaate nahiN beemaar ko apnaa chehrah

charah-gar houke gurezaaN hou maseeHaayhi se.

Nazir.

Abdullah Nazir · Post by **Abdullah Nazir** » Wed Aug 17, 2005 1:58 pm

waAda-e-vaSl jou karte hou sataate kiyhuN hou

aur deewaane ko deewaanah banaate kiyuN hou.

Nazir.

Post by **Shummu** » Tue Aug 23, 2005 1:40 pm

Ab yeh sochoo.n tu bhanwar zehan mei.n per jatay hein
kesay chehray hein jo miltay hi bichar jaatay hein

Abdullah Nazir · Post by **Abdullah Nazir** » Wed Aug 24, 2005 5:40 am

kyaa houaa us ko agar reHm nah aaye mujh per

wo agar khud ko chupaataa hei chupegaa kab tak.

Nazir.

Post by **Shummu** » Tue Aug 30, 2005 11:32 am

hamaari gufatgu kii aur bhi simteN bahut sii haiN,
kisi ka dil dukhaane hi ko phir apni zubaaN kyuN ho?!

Waseem Barelvi

hassan_bashir · Post by **hassan_bashir** » Tue Aug 30, 2005 2:26 pm

mujh se kyaa puchte ho zindagi ke baare maiN ?
ajnabee bataaYe kyaa ajnabee ke baare maiN !

Abdullah Nazir · Post by **Abdullah Nazir** » Fri Sep 02, 2005 4:25 am

kyaa samajh looN ke miri baat nah maanouge kabhii

aur dil touRke karlouge kinaara mujh se

Nazir.

Abdullah Nazir · Post by **Abdullah Nazir** » Sat Sep 03, 2005 3:45 pm

kyaa karuN maiN tire andaaz-e-jafaa kii baateN

dil ko touRe hei tuu paimaan-e-wafaa kii Soorat.

???

Nazir.

Abdullah Nazir · Post by **Abdullah Nazir** » Tue Sep 06, 2005 2:29 am

kyaa kahiye kyaa milaa hei tiri jalvagaah se

raah-e-wafaa meiN gir gaye apni nigaah se.

???

Nazir.

Abdullah Nazir · Post by **Abdullah Nazir** » Sun Sep 11, 2005 6:38 pm

[size-18]

kyaa nahiN tujh ko iAtibaar miraa

mujhko jhuTlaake kyaa milegaa tujhe.

Nazir.
[/size]

hassan_bashir · Post by **hassan_bashir** » Thu Sep 15, 2005 7:50 am

kyuN dareN zindagi maiN kyaa hogaa ?
kuch na hoga to tajrubaa hogaa !

Post by **Shummu** » Tue Sep 20, 2005 8:40 pm

Mir kaa she'r hai:

jab naam tiraa leejiye tab chashm bhar aawe
yooN zindagee karne ko kahaaN se jigar aawe?