Shair ka jawab shair main dejeye

Post by **Hashmat Usmani** » Fri Apr 22, 2005 4:32 am

Gham kii andherii raat meN, dil ko na be_qaraar kar
subHa zaroor aayegii, subHa kaa intezaar kar

Aanchal · Post by **Aanchal** » Fri Apr 22, 2005 12:42 pm

omar-e-draaz maang kay laye they chaar din
doo arzoo main kat gay doo intazaar main

Post by **Hashmat Usmani** » Fri Apr 22, 2005 12:52 pm

aap kii yaad aatii rahii raat bhar
chashm-e-nam muskuraatii rahii raat bhar

MaKhdoom MoHiiuddiin

Post by **najma** » Fri Apr 22, 2005 11:13 pm

raat bhar sooraj kisi ke sir pe mandlaata raha
din meiN taare dekhne ki rasm dohraaee gaee
najma

Post by **Hashmat Usmani** » Sat Apr 23, 2005 2:35 am

zaraa sii baat pe har rasm to.D aayaa thaa
dil-e-tabaah ne bhii kyaa mizaaj paayaa thaa

JaaN Nisaar "AKhtar"

Post by **najma** » Sat Apr 23, 2005 7:49 pm

apne haathoN se nasheeman ko jala dete haiN
hausla seekhe koee khaanmaaN-barbaadoN se
najma

Post by **Hashmat Usmani** » Sun Apr 24, 2005 1:08 am

maiN to Khud_daarii kaa qaa'il huuN, magar
kia karuuN phir aa rahii hai unkii yaad

Shakeel Badaayuunii

Post by **najma** » Sun Apr 24, 2005 2:17 am

yaad aey gii unko tab merii
jab koee or-na hamsafar hogii
najma

Post by **Hashmat Usmani** » Sun Apr 24, 2005 2:29 am

Khudaayaa! Jazba-e-dil kii magar taasiir ulTii hai
k jitnaa khiiiiiNchtaa huuN, aur khiNchataa jaaye hai mujh se

Ghaalib

Post by **najma** » Sun Apr 24, 2005 11:35 am

ham ne to chaahaa tha, un se mud,da,aa kardeN bayaaN
lafz kuch aaey zabaaN par, aur aa kar reh gaey
najma

Post by **Hashmat Usmani** » Mon Apr 25, 2005 1:26 am

laboN se lab jo mil gaye, laboN se lab jo sil gaye
sawaal gum, jawaab gum, baRii Hasiin raat thii

Sudarshan "Faakir"

Post by **najma** » Mon Apr 25, 2005 2:12 am

LAHUU KE DEEP JALAAO, SIYAAH RAAT KATE
BUJHII BUJHII HAY YAHAAN MEHFIL-E-TARAB KAB SE

Post by **Hashmat Usmani** » Mon Apr 25, 2005 3:44 am

charaaGh dil ke jalaao k 'iid kaa din hai
taraane jhuum ke gaao k 'iid kaa din hai

Qateel Shifaaii

Post by **najma** » Mon Apr 25, 2005 1:11 pm

eid bhi aaee to kis haal meiN aaee hay NAFEES!
pairahan chaak liye phirte haiN weeraanoN meiN
NAFIS AHMAD SIDDIQUI

Post by **Hashmat Usmani** » Tue Apr 26, 2005 1:20 am

'Eid kaa din hai, gale aaj to lag jaa, zaalim!
rasm-e-duniyaa bhii hai, mauq'a bhii hai, dastuur bhii hai

[naa_ma'loom]