Lafz par Ashaar#5--" ZAKHAM"

Abdullah Nazir · Post by **Abdullah Nazir** » Wed Apr 13, 2005 9:00 pm

Kyaa chalaa jaaooN maiN zkhakhm-e-dil ko hanstaa chouRkar

yaa tire haathaoN meiN marham hei lagaane ke liye?

Nazir.

Post by **najma** » Wed Apr 13, 2005 9:05 pm

kal mujhe jis ne zakhm bakh,she thay
aaj uskii bhi chashm tar hogii
najma

Abdullah Nazir · Post by **Abdullah Nazir** » Wed Apr 13, 2005 9:13 pm

hazaar zakhm sahungaa tiri muHabbat meiN

mujhe shikast-e-wafaa mehrbaaN qubool nahiN.

Nazir.

Post by **najma** » Wed Apr 13, 2005 9:17 pm

har har qadam pe jis ne diye zakhm be-shumaar
us fitna-gar ko bhool na jaaoN to kya karooN
najma

Abdullah Nazir · Post by **Abdullah Nazir** » Wed Apr 13, 2005 9:25 pm

Kehne ko tap-e-zakhm-e-jigar kam tou nahiN hei

Aiy bhoolne waale tuu mire dil meiN makeeN hei.

Nazir.

Post by **najma** » Wed Apr 13, 2005 9:32 pm

shor-e-pind-e-naaseh ne zakhm par namak chiRka
aap se koee pooche, tum ne kya maza paayaa
ghalib

Abdullah Nazir · Post by **Abdullah Nazir** » Wed Apr 13, 2005 9:39 pm

Kisko thii apne zakhm maTloob bedilii

Tere namak chiRakne se dunyaa badal gaii.

Nazir.

Post by **najma** » Wed Apr 13, 2005 9:41 pm

teiGh-e-abroo ke saamne jaa-kar
zakhm munh par jawaan khaate haiN
barq

Abdullah Nazir · Post by **Abdullah Nazir** » Wed Apr 13, 2005 9:48 pm

zakhm khaate heiN apne seenaoN per

apnaa moNh pher kar nahiN jaate.

Nazir.

Post by **Hashmat Usmani** » Thu Apr 14, 2005 4:34 am

DhuuNDaa hai agar zaKhm-e-tamannaa ne madaavaa
ik nargis-e-biimaar kii baat aa hii gaii hai

Post by **najma** » Thu Apr 14, 2005 8:59 am

hamare zakhm kahaaN tak siyo gay, chara-garo!
bahaar aate hi khil jaeiNgay kalii ki tarah

Post by **Hashmat Usmani** » Thu Apr 14, 2005 11:22 am

gar yahii hai hameshaa zaKhm pe zaKhm
dil kaa, chaara_garo! Khudaa Haafiz!!

Bahaadur Shaah "Zafar"

Post by **Hashmat Usmani** » Thu Apr 14, 2005 11:42 am

lab sii diye haiN taa na shikaayat kare koii
lekin, har ek zaKhm ke muNh meN zabaaN hai aaj

Ali Sardaar Ja'frii

Post by **najma** » Thu Apr 14, 2005 10:48 pm

zakhm-e-dil par kabhi marham bhi shifaa ka rakhna
chara-gar ho to bharam apni dawaa ka rakhna

Post by **Hashmat Usmani** » Fri Apr 15, 2005 2:07 am

zaKhm pe zaKhm khaa ke jii, apne lahuu ke ghuuNT pii
aah na kar, laboN ko sii, 'ishq hai dil_lagii nahiiN

Ai'Hsaan "Daanish"