Sher ke doosre misre ke pehle/aakhri alfaaz se sher kahiye!

Post by **Shummu** » Thu Nov 24, 2005 12:19 pm

zindagi jab bhi teri bazm mein laati hai humein
ye zameeN chaand se behtar nazar aati hai humein

ye/humeiN

Post by **Hashmat Usmani** » Mon Nov 28, 2005 2:03 am

hai bas k har ik unke ishaare meN nishaaN aur
karte haiN moHabbat to guzartaa hai gumaaN aur

Chachaa

Post by **Shummu** » Sat Dec 10, 2005 6:37 pm

raat bhar sochataa rahaa tujh ko
zehn-o-dil mere raat bhar mehke

zehn-o-dil/mehke

Abdullah Nazir · Post by **Abdullah Nazir** » Mon Dec 19, 2005 12:44 pm

dil touR ke khush houte hou yeh bhi hei koii baat?

kyaa tum ko abhi saath nibhaanaa nahiN aataa.

(kyaa / aataa)

Nazir,

Abdullah Nazir · Post by **Abdullah Nazir** » Sat Dec 24, 2005 4:05 am

kyaa hougayaa yeh, waAdh khilaafi houi hei kiyuN

ik boujh saa hei dil pah tire intizaar meiN.

(ik / meiN)

Nazir.p/i]

RAUSHNEE · Post by **RAUSHNEE** » Sat Dec 24, 2005 6:25 pm

ik aag gham-e-tanhaii ki jo saray badan mein phel gayee
jub jism hi sara jalta ho phir daman-e-dil ko bachayein kia

Post by **Shummu** » Mon Dec 26, 2005 9:59 pm

jab bhii taqamiil-e-mohabbat kaa Khayaal aataa hai
mujhko apane Khayaalo.n pe ha.Nsii aati hai

mujhko/hai

ummassad · Post by **ummassad** » Tue Dec 27, 2005 5:09 pm

mujhko shiqwa nahi ay katibe taqdeer magar
ro pade tu bhi agar mera mukahder dekhe

Abdullah Nazir · Post by **Abdullah Nazir** » Thu Dec 29, 2005 9:01 am

yeh aur baat hei ke miraa bakht jaag uThaa

waise na thi umeed tagaaful shiAaar se.

(waise / se)

Nazir.,

Post by **Shummu** » Mon Jan 02, 2006 7:36 pm

waise to zindah dil hain, mager phir bhi Aye Shakeel
hota hai aik dard , hamaari hansi ke saath

hota/saath

Abdullah Nazir · Post by **Abdullah Nazir** » Tue Jan 03, 2006 1:56 am

saath jiskaa detaa hooN mujh se hei gilah usko

jhooT meraa shewah hei, aur bewafaa hooN maiN !!!

( jhooT / maiN )

Nazir.

Abdullah Nazir · Post by **Abdullah Nazir** » Tue Jan 03, 2006 3:18 am

mai-e-gulfaam kahaaN thi mire paimaane meiN

meraa hii khoon mujhe tum ne pilaanaa chaahaa.

( meraa / chaahaa )

Nazir.

ummassad · Post by **ummassad** » Fri Jan 06, 2006 9:02 pm

meera rona nahin rona hay yeh saare gulistan ka
wo gul houn main khizan her gul ki hyi goya khizan mairi

Abdullah Nazir · Post by **Abdullah Nazir** » Sat Jan 07, 2006 4:04 am

Wo milte heiN tou sunnaa chaahte heiN daastaaN meri

magar kyaa jaane kiyuN khaamoush rehti hei zabaaN meri.

(magar / meri)

Nazir.

ummassad · Post by **ummassad** » Fri Jan 13, 2006 2:10 am

MERI ZINDAGI HAI ZALIM TERE GAM SE AASHKARA
TERA GUM HAI DERHAQHIQAT MUJHE ZINDAJI SE PYERA