Sher ke doosre misre ke pehle/aakhri alfaaz se sher kahiye!

Abdullah Nazir · Post by **Abdullah Nazir** » Sat Apr 22, 2006 2:05 am

Hijaaz meiN mire ajdaad kaa Thikaanah thaa

magar sunaauN kise apni daastaan-e-wafaa.

magar /wafa

Nazir.

Post by **zmufti** » Sat Apr 22, 2006 8:05 pm

vo naalaa dil me.n Khas ke baraabar jagah na paaye
jis naale se shigaaf pa.De aafataab me.n

Abdullah Nazir · Post by **Abdullah Nazir** » Sat Apr 22, 2006 11:14 pm

jis ne ummeed ke sao baagh dikhaaye thay mujhe

usko bhi yaad nahiN waAdah o paimaaN taubah.

usko / taubah

Shaayer: Abdullah Nazir.

Nazir.

Post by **zmufti** » Mon Apr 24, 2006 8:05 pm

ab bataao jaayegii zindagii kahaa.N yaaro
phir hai.n barq kii nazare.n suu-e-aashiyaa.N yaaro

Abdullah Nazir · Post by **Abdullah Nazir** » Tue Apr 25, 2006 12:06 pm

Phir vohi jaur o sitam heiN vohi andaaz-e-jafaa

imtiHaaN lete hou kiyuN Sabr o shikebaayi kaa.

imtiHaaN / kaa

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Sat Apr 29, 2006 5:38 am

dil thaa deewaanah jo teri aarzoo meiN khougayaa

aankh route hei magar waAdah khilaafi per bahut.

Shaayer: Abdullah Nazir.

Nazir.

Post by **zmufti** » Sat Apr 29, 2006 7:18 pm

bahut milaa na milaa zindagii se Gam kyaa hai
mataa-e-dard baham hai to besh-o-kam kyaa hai

ummassad · Post by **ummassad** » Mon May 01, 2006 9:59 pm

vo baat sare fasane main jiska ziker na tha
vo baat unko bahut nagawar guzri hey

Abdullah Nazir · Post by **Abdullah Nazir** » Tue May 02, 2006 2:50 am

Yehi bahaanah kiyaa karte hou hameshah tum

seHar houi hei, shab-e-intizaar guzri hei.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Tue May 02, 2006 3:35 pm

"ik hi zabaan rakhkho to ham ko zabaan do

karti hei roosiyaah qalam ko zabaan do".

Shaayer: Fareedan.

Nazir.

Post by **zmufti** » Wed May 03, 2006 6:53 pm

dono jahaa.N terii mohabbat me.n haar ke
wo jaa rahaa hai koii shab-e-Gam guzaar ke

Abdullah Nazir · Post by **Abdullah Nazir** » Thu May 04, 2006 6:34 pm

wo kyaa jaaneN ke meri shaam-e-hijraaN kis TaraH guzri

jinheN Ahd-e-wafaa kaa paas houtaa to chale aate

Shaayer: Abdullah Nazir.

Nazir.

hira_pari · Post by **hira_pari** » Thu May 04, 2006 7:19 pm

jinhaiN maiN dhoondtaa tha asmaano maiN zameeno maiN
wo nikle mere zulmat e khaana e dil kay makeeno maiN

Abdullah Nazir · Post by **Abdullah Nazir** » Fri May 05, 2006 3:10 am

"wo menhdi kaa Aalam wo touRe kaRe

wo paaooN meiN soune ke do do kaRe."

Shaayer: Meer Hasan

Nazir.

Abdullah Nazir · Post by **Abdullah Nazir** » Fri May 05, 2006 3:32 am

Miraa vuood he teri hi kaj adaayi se

tire baghair mujhe kab sukoon miltaa hei

Shaayer: Abdullah Nazir

Nazir.