Sher ke doosre misre ke pehle/aakhri alfaaz se sher kahiye!

Post by **zmufti** » Mon Jun 05, 2006 6:37 pm

zabaan-e-gul se chaTTaane.n taraashane vaale
sukuut-e-naqsh me.n aaraa_ish-e-namuu rakh de

Abdullah Nazir · Post by **Abdullah Nazir** » Mon Jun 05, 2006 11:44 pm

sukoot-e-lab se bhi izhaar-e-Haal-e-dil houtaa

nigaah-e-yaar agar deti aasraa mujhko

Shaayer: Abdullah Nazir.

Nazir.

Leo · Post by **Leo** » Wed Jun 07, 2006 11:15 am

nigaah wo nahiN jo surkh o zard pehchaane

nigaah wo hei jo muHtaaj-e-mehr o maah nahiN

Allamah Iqbal

nigaah / nahin

Post by **zmufti** » Wed Jun 07, 2006 7:49 pm

nigahoN ke andaaz badle gaye haiN
wohi hai magar rasm-e-jalwa numaaii

Abdullah Nazir · Post by **Abdullah Nazir** » Thu Jun 08, 2006 1:41 am

Vohee hei unkaa andaaz-e-taghaaful

Vohee hei meraa iSraar-e-muHabbat

vohee / muHabbat.

Shaayer: Abdullah Nazir.

Nazir.

Abdullah Nazir · Post by **Abdullah Nazir** » Thu Jun 08, 2006 8:52 pm

magar tumhaare dil-e-badgumaa ko kyaa kartaa

hazaar mujhko bharousah thaa paas aane kaa

Shaayer: Abdullah Nazir.

Nazir.

ummassad · Post by **ummassad** » Sat Jun 10, 2006 1:51 pm

hazar berq ne chal phir ke machaq ki lekin
ada nh aaye tery muskura ke jany ki

Abdullah Nazir · Post by **Abdullah Nazir** » Sun Jun 11, 2006 7:02 am

adaay-e-naz se wo chouRkar chale tou gaye

magar sazaa mili mujhko fareb khaane kee.

magar /kee

Shaayer: Abdullah Nazir.

Nazir.

Post by **zmufti** » Mon Jun 12, 2006 2:37 pm

ki wafa ham se to ghair isko jafa kehte haiN
hoti aayii hai keh achchoN ko bura kehte haiN

Abdullah Nazir · Post by **Abdullah Nazir** » Tue Jun 13, 2006 1:47 am

houti hei jis ghaRee miri saaqi se guftgoo

aate heiN jaane kis liye paimaane beech meiN.

aate / meiN

Shaayer: Abdullah Nazir.

Nazir.

hassan_bashir · Post by **hassan_bashir** » Tue Jun 13, 2006 8:19 am

aate haiN Ghaib se ye mazaamiN khayal mein,
Ghalib sareer-e-khama nava-e-sarosh hai !

Ghalib / hai

Abdullah Nazir · Post by **Abdullah Nazir** » Thu Jun 15, 2006 10:17 am

Ghalib aajaati hei gar neend shab-e-furqat meiN

wo samajhte heiN keh hooN unki adaa se waaqif

Shaayer: Abdullah Nazir.

Nazir.

hassan_bashir · Post by **hassan_bashir** » Thu Jun 15, 2006 11:06 am

vo mujhase puuChhate haiN eik maqasad merii hastii kaa
bataauuN kyaa ki meraa mudda'a yuuN bhii hai aur yuuN bhii

bataauN / bhii

Abdullah Nazir · Post by **Abdullah Nazir** » Thu Jun 15, 2006 5:12 pm

baataoN baataoN meiN yeh izhaar-e-shikaayat kiyuN hei

maiN ne kab tum se kahaa thaa keh miri baat suno.

Shaayer: Abdullah Nazir.

Nazir.

Post by **zmufti** » Sun Jun 18, 2006 7:09 am

maiN kaha keh "bazm-e-naaz chaahuye ghair se tahi"
sun ke sitam zareef ne mujh ko uthaa diyya keh youN