• Harf-e-"PE" se ash'aar raqam kijiiye...shukria

Posted: **Fri May 13, 2005 5:12 am**

paa-ba-gil sab haiN, rihaaii kii kare tadbiir kaun?
dast-basta shahr meN khole merii zanjiir kaun?

Parveen Shakir

Posted: **Fri May 13, 2005 5:23 am**

paaoN ke zaKhm haiN farsh-e-gul-e-tar hone tak
raah dushvaar hai aaGhaaz-e-safar hone tak

Himaayat Ali "Shaa'ir"

Posted: **Fri May 13, 2005 7:40 pm**

phir wohii jalwa sar-e-tuur dikhado inko
aag se khel rahay haiN, to jala do inko
najma

Posted: **Sat May 14, 2005 12:59 am**

phir aseeroN meiN nazar aate haiN acaar-e-junooN
aur kuch ooNchii zara deewar-e-zindaaN kijiye
najma

Posted: **Sat May 14, 2005 4:41 pm**

paaraa paaraa huaa pairaahan-e-jaaN
phir mujhe chhoR gaye chaara_garaaN

Sa'eed Raahii

Posted: **Sat May 14, 2005 9:38 pm**

pighal gaee hay ghamoN ki jahaaN giraaN sill bhii
hararatoN ka ajab karkhana hay dil bhi
khawar

Posted: **Sat May 14, 2005 9:56 pm**

phir kabootar amn ka muxda liye uRne lage
mo.jizah hay phir shikastah aaine juRne lagae
khawar

Posted: **Sat May 14, 2005 10:23 pm**

paamaal-e-nashaat aarzueiN or hawas-e-gul
gulshan se abac ham ne ye samaan liya hay
khawar

Posted: **Sun May 15, 2005 4:24 am**

pyaas vo dil kii bujhaane kabhii aayaa bhii nahiiN
kaisaa baadal hai jiskaa koii saayaa bhii nahiiN

Qateel Shifaaii

Posted: **Sun May 15, 2005 10:46 am**

phool sa mukhRa kahaaN se laaooN maiN
dhuul se raahoN ka chehra att gaya
khawar

Posted: **Sun May 15, 2005 1:09 pm**

phir saavan rut kii pavan chalii tum yaad aaye
phir pattoN kii paazeb bajii tum yaad aaye **

[Nasir Kazmi]

Posted: **Sun May 15, 2005 1:57 pm**

panap rahaa hay yahaaN par daroGh-e-hikmat kya?
kisi bhi shakh,s ko ab harf-e-haq ka paas naheeN
bakhsh

Posted: **Mon May 16, 2005 2:16 am**

paas-e-adab meN josh-e-tamannaa liye huye
maiN bhii huuN ek Hubaab meN dariyaa liye huye

AsGhar GonDvii

Posted: **Mon May 16, 2005 3:01 am**

pehle to apne dil ki raza jan jaeiyye
phir jo nigaah-e-yar kahay, maan jaiyye

Posted: **Mon May 16, 2005 4:55 am**

pahle to apne dil kii razaa jaan jaaiye
phir jo nigaah-e-yaar kahe maan jaaiye

Qateel Shifaaii