• ::zaraa ik nigaah-e-karam dosto ! ::-)

Posted: **Sun May 29, 2005 7:16 am**

Yaraan-e-meHfil , aadaab :)

Khilaaf-e-ma'mool , aaj maiN aek moKhataSar waqfe k baa'd apnee nayee Ghazal paish karnaa chaahoNga . is ka sabab Anmol SaaHiba ki Haaliyaa Ghazal:-

("hooN har soo ranj-o-alam dosto
kahaaN jaa k chhup jaayeN ham dosto ?")

hai ! ye Ghazal usee zameen maiN hai..lihaazaa maiN ise Anmol SaaHiba k naam kartaa hoN , jin ki wajh se itnee achchi Ghazal taKhleeq hogayee . ummed hai ye sitam aap seh leNge ! is ka ye matlab nahiN k ab maiN har taKhleeq se muta'ccir ho k pay dar pay GhazleN post karoNga ! bas ye sitam bardasht karlejye kyoN k LOHAA abhi garm hai ! moqa' bhi hai , dastoor bhi !

to lejeye Ghazal Haazir-e-Khidmat hai ! :D

:: Urdu Version ::

:: Roman Version ::

1.
chalo aaj koo-e-Sanam dosto !
waheeN par hai baaGh-e-iram dosto ! :D

2.
chalo soo-e-maqtal chaleN shaan se !
qadam se milaa kar qadam dosto ! 8)

3.
kareN ham koii daastaan-e-junooN !
jigar k lahoo se raqam dosto ! 8)

4.
zameeroN ka suada howaa hai yahaaN !
kahaaN hai faqeeh-e-Haram dosto ?

5.
jalaado darindoN k maskan sabhii !
saho ab na koii sitam dosto ! :)

6.
ham apne a'zeezoN ko DhoNRheN kidhar ?
kahaaN hai ye mulk-e-a'dam dosto ? :?

7.
fizaa-e-bayaabaaN ne dii hai Khabar
koii Qais legaa janam dosto ! :D

8.
zamaane ko neechaa dikhaana hai ab
moHabbat ka thaamo a'lam dosto ! 8)

aur ab maqt^a' shareef

9.
maSaai`b maiN kab se ghiraa hai :Zia:
zaraa ik nigaah-e-karam dosto ! :D

............................................................................................
Hasb-e-ma'mool aap ki qeemati aaraa ka intezaar rahyegaa ! shukriya

moKhliS : Zia Baloch

Posted: **Sun May 29, 2005 7:50 am**

zoa baloch sahib!
aadaab
bohat pasand aaee janaab aapki kawish.
sabhi ash,aar bohat khoobsoorat aur haqeeqee jazboN se bhar-pur haiN.

maSaai`b maiN kab se ghiraa hai :Zia:
zaraa ik nigaah-e-karam dosto ! :D

labbaik janaab!!!!!!

bohat khoob
daad qubool kijiye

Posted: **Sun May 29, 2005 8:35 am**

najma wrote:zoa baloch sahib!
aadaab
bohat pasand aaee janaab aapki kawish.
sabhi ash,aar bohat khoobsoorat aur haqeeqee jazboN se bhar-pur haiN.

maSaai`b maiN kab se ghiraa hai :Zia:
zaraa ik nigaah-e-karam dosto ! :D

labbaik janaab!!!!!!

bohat khoob
daad qubool kijiye

Najma SaaHiba, w/aadaab

aap jaisee hasti ko meree adnaa kaavish pasand aaye to kyaa kehny ? aap ki daad se hamesha mera HoSla baRhtaa hai aur andaaz maiN nikhaar aataa hai ! aap bahut KhlooS se daad se nawaazti haiN aur bilaa naaGhaa nawaazti haiN ! aap ne meeri aawaaz par labbaik kahaa , bahalaa is se baRh kar mere leye Khushee ki baat aur kyaa hogee ? 8)

aap ki daad dil-o-jaan se qabool hai janaab bahut bahut shukriyaa aap ka !

moKhliS : Zia Baloch

Posted: **Sun May 29, 2005 1:24 pm**

sara_j wrote:Zia saahib,

bohat khoob!

bohat umdah ghazal kahi hai aapne

aapki aur tehreeron se zara hat ker andaaz hai jisme aapne
apne hunar ko bohat khoobi se pesh kiya hai.

daad aur mubarakbaad qubool keejiye.

sara

moHtarama Saaraa saaHiba, aadaab :)

Huzoor , ye aap ki zarra-nawaazi hai jo aap is tarah sochti haiN naacheez k baare maiN , warna fan ki Khoobi aur kahaaN maiN
aap ki daad Khud qaabil-e-daad hai ! aap ne jis Khloos se daad dee hai , ham samajhte haiN hamaari meHnat wuSool hogayee sach aap ka jitnaa shukriyaa adaa kareN kam hai ! taa ham qabool kejeye !
bahut bahut shukriya !

moKhliS : Zia Baloch

Posted: **Sun May 29, 2005 4:20 pm**

waah Zia ji,
kyaa kehne aap ke!!
aap par tau aamad pe aamad ho rahi hai ghazaloN kee

aap kee ye taazah ghazal bhee buhat achee hai aur aap kee shaairaanah salaahitoan par mohr cabt kar rahi hai.
janaab iss kaavish par naa.cheez kee daad qubool kijiye!

mukhlis
Naheed

Posted: **Sun May 29, 2005 7:21 pm**

Zia sahib,
Buhat khoob
aur maiN Sara jee k comments se mutafiq hoN
thanks for sharing
zmufti