• Tarhi Ghazal tum se shayed koi sawaal na ho

Posted: **Sun Jan 02, 2005 2:41 pm**

chahe chahat pari jamaal naho
phir bhi uski koi misaal naho

sab ko hai tootna bikharjaaana
koi shae hai jisay zawaal na ho?

vo khyaaloN mai kab se haiN meray
unko shayed yahi khyaal na ho

un se milte raho magar itnaa
door hoN to bahut malaal na ho

mahwe hairat ho kisllye mahtab
mehrbaani bhi unki chaal na ho

Mahtab Qadr

Posted: **Mon Jan 03, 2005 4:49 pm**

Mahtab Qadr wrote:
sab ko hai tootna bikharjaaana
koi shae hai jisay zawaal na ho?

vo khyaaloN mai kab se haiN meray
unko shayed yahi khyaal na ho

un se milte raho magar itnaa
door ho to bahut malaal na ho

wah..bahut khoob Sarfaraz jee..ye dekh kar bahut accha lag raha hai ke aajkal khoob aamad ho rahi hai...well done and keep it up :D

Shumaila

Posted: **Tue Jan 04, 2005 12:29 am**

salaam Mahtaab saaHib,

ummed hai ki mizaaj-e-giraamii ba_Khair hoNge.

aapkii Ghazaal paRhii aur baRa lutf aayaa...ek ek she'r par daad aur sirf daad nikalti gai...waah, waah! subHaan Allah.

haaN shummu, aamad aamad hai...KHoob taaRaa...Sarfaraz saaHib kah Daaliye ash'aar is se pahle ki JAAMAD ho jaaye

mujhe yeh ash'aar bahot pasand aaye:

sabko hai TooTnaa, bikhar jaanaa
koii shai hai jise zawaal na ho?

waah kia baat kahii hai janaab...kise zawaal nahiiN? sach much sach baat hai. waah...marHaba!

unse milte raho, magar itnaa
door hoN, to bahut malaal na ho!

waah janaab kia pre-meditated moHabbat hai janaab e shaa'ir saaHib kii...vaise, nusKha achchha hai...shukria sujhaao ka

Allah kare zor-e-qalam aur ziyaada!

faqat naa_cheez,

Hashmat

Posted: **Tue Jan 04, 2005 4:10 pm**

shukria Shummu ji aur Hashmat sahib ..aapki sitayesh yaqeenan mere lye qabil e qadr hai. aakhri sher ko tarmeem kardia hai maine balke maqta banadia hai.
shukria
MQ

Posted: **Sat Jan 08, 2005 6:58 pm**

Muhtarami
Mehtaab Qadr Saahib,

Purkhuloos Tasleemaat, :)

Aapki TaraHi ghazal be had pasand aayi. Izhaar-e-raaye meiN takheer ke liye maAzirat-khwaah hooN jiske asbaab aapko maAloom heiN.

Sirf aik sheAr meiN mujhe ruknaa paRaa wo yeh hei:

"un se milte raho magar itnaa
door ho to bahut malaal na ho "

Un se milte raho magar itnaa (is sharT meiN zameer un kaa isteAmaal houaa doosre misreA meiN "door ho" kii bajaye "door houN" ka taqaazah karrahaa hei. Housaktaa hei ke aap ke zehn meiN koiee mukhtalif baat hou. Shukriyah.

Aapka Mukhlis,

Nazir.

Posted: **Sun Jan 09, 2005 4:24 pm**

Mahtab Qadr wrote:chahe chahat pari jamaal naho
phir bhi uski koi misaal naho

sab ko hai tootna bikharjaaana
koi shae hai jisay zawaal na ho?

vo khyaaloN mai kab se haiN meray
unko shayed yahi khyaal na ho

un se milte raho magar itnaa
door ho to bahut malaal na ho

mahwe hairat ho kisllye mahtab
mehrbaani bhi unki chaal na ho

Mahtab Qadr

Assalam-o-a'laikum,

moHtarami M.Q SaaHib,
janaab aap ki ye kaavish mujhe nihaayat hi pasand aayee :D .
tamaam asha'aar hi dil-kash haiN, maiN tu jhoomta reh gayaa .
meri jaanib se DheeroN daad qabool kejeye. shukriya

moKhliS : Zia Baloch

Posted: **Sun Jan 09, 2005 8:11 pm**

Bahut haseen ghazal pesh farmayee hai aap ne Mahtab Sahab. Meri janib se dili mubarkbaad aur beshumar daad.O.tahseen qubool farmaiyega.

Mukhlis,

Jawaid Badauni
Muscat - Oman

Tarhi Ghazal tum se shayed koi sawaal na ho

Tarhi Ghazal tum se shayed koi sawaal na ho

Re: Tarhi Ghazal tum se shayed koi sawaal na ho

tarmeem

Bahut achchi ghazal kahii hei aap ne

Re: Tarhi Ghazal tum se shayed koi sawaal na ho