Page 1 of 5
Harf-e-"CHE" se ash'aar raqam kijiiye...plz.
Posted: Tue Jul 05, 2005 6:21 am
by Hashmat Usmani
is 'ashre ke liye Harf-e-"CHE" se ash'aar qalam_band kijiiye...shukria.
chaahat kaa ek miiThaa, miiThaa dard jagaane shaam Dhale
terii yaadeN aa jaatii haiN mujh ko rulaane shaam Dhale
Hasan Imaam
Posted: Wed Jul 06, 2005 5:02 am
by Hashmat Usmani
chaahiye, achchhoN ko jitnaa chaahiye
yeh agar chaaheN, to phir kia chaahiye!
Chachaa
Posted: Thu Jul 07, 2005 2:43 am
by Hashmat Usmani
chashm_bar raah-e-shauq ke maare
chaand ke intezaar meN taare
Josh Malihabadai
Posted: Sun Jul 10, 2005 5:40 am
by Saba
charaagh e ahle janoon hain keh deedahwar kay charaagh
qadam qadam peh hain raushan nazar nazr kay charaagh
Posted: Sun Jul 10, 2005 6:02 am
by Waqar Zaidi
chashm e tar say jab dur e khush aab barsaayain gay ham
mah o anjum ki zia paashi ko sharmayain gay ham
===============================================
chashm e mai goon say istafaadah hay
kia behaknay kaa phir iraadah hay
===============================================
chaman say jaatay huay chaman ko tilism e hairat banaa gaye tum
wahaan wahaan phir khizaan na aaii jahaan jahaan muskuraa gaye tum
===============================================
charaagh e gham kadah kartaa hay raushan
shab e furqat koii barq e tapaan say
===============================================
chaman hay main hoon tum ho chaandni hay
bohat din baad yeh mehfil saji hay
===============================================
Posted: Sun Jul 10, 2005 4:38 pm
by PK Swami
chal sath k hasrat dil.e marhoom se nikle
aashiq kaa janaazaa hai zara dhoom se nikle
chaak hai daamane qabaa.e baHaar
mere khwaabooN ke peRhan kee tarah
chalee duniya meiN rasm.e sazdaa rezee
kuchh unke dar se kuchh merii zabeeN se
choree kaheeN khule na naseem.e bahaar kee
khushboo uRaa ke laayee hai gesoo.e yaar kee
cheHre badle khud ko tarashaa apnaapan nilaam kiyaa
tab jaa kar iss bastee mein ham baa.izzat kaHlaaye haiN
chaman pe baS naheeN varnaa mere chaman wale
hawaaieN bechte, nelaam rang.o.boo karte
chaman saamne hai shikastaa haiN baazoo
khajal ho rahe haiN, ham aazaad ho kar
cheHre ke phool, zulf kee khushboo, badan kee aaNch
kyaa kyaa sameT laayee teri yaad kee hawaa
chale the aik nazar teri bazm dekh aayeeN
yahaaN jo aaye to be.ekhtiyaar baith gaye !
Regards
PK Swami
Posted: Mon Jul 11, 2005 3:21 am
by Hashmat Usmani
chupke_chupke raat din aaNsuu bahanaa yaad hai
ham ko ab tak 'aashiqii kaa vo zamaanaa yaad hai
Hasrat Mohaanii
Posted: Mon Jul 11, 2005 4:42 am
by Hashmat Usmani
chaandnii chhat pe chal rahii hogii
ab akelii Tahel rahii hogii
Dushyant Kumar
Posted: Mon Jul 11, 2005 3:36 pm
by Waqar Zaidi
chalo ham tum wahaan zaraa baithain
kab say hay saaya e shajar tanhaa
===============================================
chaarah saaz e ishq ki aankhon main aansoo aa gaye
zakhm e dil ki aaj gehraaii kaa andaazah huaa
===============================================
chashm e khaamosh ko kisi kay hazoor
aa gayaa guftugoo kaa dhab goyaa
===============================================
chaarah gar say elaaj kia ho gaa
dosto ! zindagi kay maaron kaa
===============================================
Posted: Tue Jul 12, 2005 2:53 am
by Hashmat Usmani
chaand tanhaa hai, aasmaaN tanhaa
dil milaa hai kahaaN kahaaN tanhaa
Meena Kumari "NAAZ"
Posted: Tue Jul 12, 2005 5:07 am
by Waqar Zaidi
chaand nikla aur falak par zau fashaan honay lagaa
dard yaadon kaa barhaa aur baikaraan honay lagaa
===============================================
Posted: Wed Jul 13, 2005 2:37 am
by Hashmat Usmani
chal mere saath hii; chal, ai merii jaan-e-Ghazal!
in samaajoN ke banaaye huye bandhan se nikal, chal!
Hasrat Jaipuri
oeem
Posted: Wed Jul 13, 2005 2:04 pm
by Abdullah Nazir
Chaarah-gar teri chashm-e-karam chaahiye
daulat o zar nah jaah o Hasham chaahiye.
Nazir.
Posted: Wed Jul 13, 2005 5:28 pm
by PK Swami
chaman meiN jo bhee they naafiz, osool uske the
tamaam kaNte hamaare the, phool uske the
PK Swami
"cheem"
Posted: Thu Jul 14, 2005 11:10 am
by Abdullah Nazir
chaahtaa hooN ke shab-e-vaSl muqaabil tere
apnaa dil cheer ke balaaooN ke us meiN kyaa hei.
Nazir.