• Ek Siasai ghazal

Posted: **Tue Jul 12, 2005 6:04 am**

salaam AfGhaanii saaHib,

bahot Khoob...kia tanz kiyaa hai magar Haq ke saath. ek ek qaul aapkaa bajaa hai...bahot sahi 'akkaasii kii hai aapne aajkal ke be-iimaan siyaasat_daanoN kii. kaash unkii nazar se bhii aapkaa kalaam guzre. la/nat hai aise manHoosoN aur mardoodoN par. yehii bas hamaarii du'aa hai unke liye agar vo apne gunaahoN par naadim nahiiN hote aur Allah se mu'aafii nahiiN maangte aur apne kiye kaa Khamyaaza nahiiN adaa karte.

Hashmat

Posted: **Tue Jul 12, 2005 8:54 am**

Akif Ghani sahib khushaamdeed , aapne apni ghazal pesh ki bahut masarrat huvi . bahut acha laga ,ye alag baat hai ke ghazal meri basarat tak na pahoNch saki image nazar nahi aata hai. agar urdu tahreer ke sath roman mai bhi pesh kardeiN to kam se kam parhne ka mauqa bhi milega aur bahut se sathioN ka masala bhi hal hoga jinheiN abhi urdu rasmul khat se aashnaai nahi hai.
shukria
Mahtab Qadr

Posted: **Tue Jul 12, 2005 10:58 am**

muhturam akif ghani

aap ki siasi ghazal jo keh hukummat ki sifliaat ka moon bolta suboot hay parh ker khushi hoye

is kamyaab kawish per daad hazir hay

ham sab kay saath yeh ghazal share kernay ka bay had shukria

waqar masood