Page 1 of 1
Ek Qita, m'otariz-e Abdullah Nazir ki nazr...........
Posted: Sat Jul 30, 2005 8:50 pm
by jawaid badauni
"Jawaid" aaj kaisa boora waqt aa gayaa
Hota hai ahl-e ilm ke lafzoN peh e'traaz
Shagird dhooNdhte haiN uyoob-e asaatizah
Karne lage haiN tifl buzurgoN peh e'traz
Jawaid Badauni
Muscat - Oman
Posted: Sun Jul 31, 2005 4:11 am
by Hashmat Usmani
salaam Jawaid saaHib,
bahot Khoob...baRii hii mo'atabar baat aapne Husn e Khoobi ke saath adaa kar dii...aapkaa ishaara kis kii taraf hai yeh bhi sabhi jaante haiN...kaash ki vo is baat ko samjheN ki baRoN aur ustaadoN kii 'izzat karne se Khud ba Khud unko 'izzat milegii jisko vo Khanjar-e-alfaaz kii nok par Haasil karna chaahte haiN.
ji haN, tifl e maktab kii yeh bisaat! Allah kii shaan hai aur kia kaheN.
kauwa chala hans kii chaal, apnii bhii kho baiThaa 
Hashmat
Posted: Sun Jul 31, 2005 10:54 am
by Mahtab Qadr
Jawaid Badauni sahib. adaab
wah wah aap ke chaar misroN ki tahreek par tazmeenan aur chaar misre lagaane ki jurat ki hai. agar bura na lage:)
kaisa ghubaar sa ye zamaane pe cha gaya
jawaid aaj kaisa bura waqt aagaya
kaNte bhi aaj karte haiN pholoN pe aiteraz
hota hai alh e ilm ke lafzoN pe aiteraaz
pahle the log bharte juyooob e asaatizah
Shagird dhooNdhte haiN uyoob-e asaatizah
jugno ka zaom dekhiye , taaroN pe aiteraaz!
karne lagay haiN tilf buzurgoN pe aiteraaz
Posted: Sun Jul 31, 2005 12:37 pm
by jawaid badauni
Hashmat Usmani wrote:salaam Jawaid saaHib,
bahot Khoob...baRii hii mo'atabar baat aapne Husn e Khoobi ke saath adaa kar dii...aapkaa ishaara kis kii taraf hai yeh bhi sabhi jaante haiN...kaash ki vo is baat ko samjheN ki baRoN aur ustaadoN kii 'izzat karne se Khud ba Khud unko 'izzat milegii jisko vo Khanjar-e-alfaaz kii nok par Haasil karna chaahte haiN.
ji haN, tifl e maktab kii yeh bisaat! Allah kii shaan hai aur kia kaheN.
kauwa chala hans kii chaal, apnii bhii kho baiThaa
Hashmat
Mohtarmee Hashmat Sa'ab,
Qit'e ki pazeeraaii ke liye bahud mamnoon hooN. Yeh mere dili jazbaat thay jinheN main ne chaar misroN meN dhal diya tha.
Bahut bahut shukriya.
Jawaid
Posted: Sun Jul 31, 2005 12:41 pm
by jawaid badauni
Mahtab Qadr wrote:Jawaid Badauni sahib. adaab
wah wah aap ke chaar misroN ki tahreek par tazmeenan aur chaar misre lagaane ki jurat ki hai. agar bura na lage:)
kaisa ghubaar sa ye zamaane pe cha gaya
jawaid aaj kaisa bura waqt aagaya
kaNte bhi aaj karte haiN pholoN pe aiteraz
hota hai alh e ilm ke lafzoN pe aiteraaz
pahle the log bharte juyooob e asaatizah
Shagird dhooNdhte haiN uyoob-e asaatizah
jugno ka zaom dekhiye , taaroN pe aiteraaz!
Azeezi Mahtab Sahab,
Shukriya.
Tazmeen pasaNd aaii. Bahut achchee koshish ki hai. Sirf teesre aur chauthay misray meN rabt ki kamee hai warnah baqi misray bahut achche haiN. Yeh Qita hum sub ke jazbaat ki tarjumani karta hai.
Ek bar phir shukriya.
Jawaid
karne lagay haiN tilf buzurgoN pe aiteraaz
Bahut khoob waah waah
Posted: Sun Jul 31, 2005 1:13 pm
by Abdullah Nazir
MuHtarami o Azeezi
Jawaid Badaayuni Saahib,
Purkhuloos Tasleemaat,
Aapke qiTAe ke liye beHad shukrguzaar hooN.
Agar aap isi TaraH se mujh per iHsaan farmaate raheNge tou Dar hei ke mujhe apni adnaa sii shakhsiyat ke baare meiN kuch ghalatfahmi nah houjaye.
Phir bhii maiN aapki karamfarmaayi ke liye mamnoon hooN.
Zaahir hei sheAri liHaaz se aapka qiTAah bilaa shak bahut hii khoob hei.
Aapka Mukhlis,
Nazir.
Re: Bahut khoob waah waah
Posted: Sun Jul 31, 2005 2:04 pm
by jawaid badauni
WEBMASTER wrote:
MuHtarami o Azeezi
Jawaid Badaayuni Saahib,
Purkhuloos Tasleemaat,
Aapke qiTAe ke liye beHad shukrguzaar hooN.
Agar aap isi TaraH se mujh per iHsaan farmaate raheNge tou Dar hei ke mujhe apni adnaa sii shakhsiyat ke baare meiN kuch ghalatfahmi nah houjaye.
Phir bhii maiN aapki karamfarmaayi ke liye mamnoon hooN.
Zaahir hei sheAri liHaaz se aapka qiTAah bilaa shak bahut hii khoob hei.
Aapka Mukhlis,
Nazir.
Mohtarmee Abdullah Nazir Sahab, Tasleem
Yeh Qita kisee fard-e wahid ke rawayye aur kisee fard-e wahid ke ehtraam tak mahdood nahiN. MaiN ne ek tarz-e fikr ke khilaaf qalam uThaya hai.
Waise arz kar dooN keh umr ke e'tbaar se main Khood bhi ab buzurgoN ke fahrist meN shamil hone wala hoon so aisee bateN karne meN mera apna faiyidah bhi shamil hai.
Khairtalab,
Jawaid Badauni