Page 1 of 1
"Khata hoti hai saheb aadmi se" guz#8
Posted: Wed Aug 24, 2005 7:50 am
by zmufti
1. bhalaa HaaSil hee kyaa is dil-lagee se
"Khataa hotee hai SaaHeb aadamee se"
2. Wafa ki aabroo ruswa na hoti
Chura laitey agar tum ko tumhi se
3. nikaltee hai duaa dil se yehee ab
kabhee guZrooN nah maiN teree galee
4. Bari hi kashmakash hai zindagi main
yahaN jeeta nahiN koi khushi se
5. muqaddar meN hai tere kyoN Ghulaamee?
jilaa de fikr ko phir aagahee se
6. ujaale ko janam de gee siyaahee
saHar phooTe gee "Zarqaa" teeragee se!
Posted: Thu Aug 25, 2005 10:43 am
by nigaah
Assalam alaikum
aap ki Ghazal achi lagi....Khaas tor say maqtaa jaan-e-Ghazal hai...
ujaale ko janam de gee siyaahee
saHar phooTe gee "Zarqaa" teeragee se!
bohut umda....daad qubool kijye...
Nigaah
Re: "Khata hoti hai saheb aadmi se" guz#8
Posted: Thu Aug 25, 2005 12:43 pm
by Shummu
2. Wafa ki aabroo ruswa na hoti
Chura laitey agar tum ko tumhi se
wah bahut khoob!
3. nikaltee hai duaa dil se yehee ab
kabhee guZrooN nah maiN teree galee
wow i like it!
6. ujaale ko janam de gee siyaahee
saHar phooTe gee "Zarqaa" teeragee se!
wahhhh bahut khoob....maqta lajawaab hai! :P
Zarqaa jee..daad haazir hai is khoobsurat ghazal pe....naacheez ne bhi isi misre pe kuch likha hai...waqt mile to zaroor nazar-e-karam farmaaiyega..shukriya
Shumaila
Posted: Thu Aug 25, 2005 6:11 pm
by gazal_uzma
zarqa ji
bohot khobsorat ghazal hay aap ki....
regards
uzma khan
Posted: Thu Aug 25, 2005 11:28 pm
by Star Mind
Zarqa behen , aadaab !
janaab Ghazal to maashaa Allah bohut hi Khoob hai ! Khaas kar maqta' to jaan levaa hai ! is taKhleeq keleye be-shumaar daad !
shukriya
Zia Baloch
Posted: Fri Aug 26, 2005 2:44 pm
by zmufti
nigah jee
aap ka buhat shukria
take care
zarqa
Posted: Fri Aug 26, 2005 2:45 pm
by zmufti
Shummu jee
aap ka buhat shukria
aap ne mera hosla kaafi barha diya
khush rahiye
zarqa
Posted: Fri Aug 26, 2005 2:46 pm
by zmufti
uzma jee
maiN bhala kis qabil hoN
aap ki anayat hai
zarqa
Posted: Sun Aug 28, 2005 6:17 pm
by zmufti
zia bhai
aap ka shukria
regards
zmufti