• Harf-e-'dAAL' se ash'aar bhejiye..shukriya!

Posted: **Sat Sep 10, 2005 12:56 pm**

DostoN ki haqeeqat hum pe khuli,
DushmanoN pe hameiN pyaar aane laga.

Posted: **Sun Sep 11, 2005 6:35 pm**

dil ko iHsaas houaa jab ke khaafaa hei koiee

meri aankhaoN se ravaaN houne lage heiN aansoo.

Nazir.

Posted: **Thu Sep 15, 2005 7:44 am**

Dil na ummid to nahiN nakaam hee to hai
Lambhi hai ghum ki sham magar sham hi to hai

Posted: **Thu Sep 15, 2005 11:58 am**

Dil pe ek tarfa qayaamat karna
muskurate hue ruksat karna

--Noshi gilaani

Posted: **Thu Sep 15, 2005 1:01 pm**

dard ke phul bhee khilate haiN bhikhar jaate haiN
zakm kaise bhi hoN kuch roz maiN bhar jaate haiN

~ javed akhtar ~

Posted: **Fri Sep 16, 2005 2:24 am**

Dard kii tees jo bijli sii chamak jaati hei

khirman-e-dil ko bachaanaa nahiN houtaa aasaaN

Ruswa

Posted: **Fri Sep 16, 2005 8:03 am**

dil voh nagar naheeN keh phir aabaad ho sake
pachtao ge sunoo yeh bastee ujhaaR ke

Posted: **Fri Sep 16, 2005 8:31 am**

dil ke is shehr meiN ab kuch nahiN veHsaht ke siwaa

bewafaa tuu ne miraa saath kahaaN chouRdiyaa.

Nazir.

Posted: **Fri Sep 16, 2005 1:42 pm**

Lijye ek shair pesh hai...

Posted: **Fri Sep 16, 2005 1:46 pm**

pesh hai ek aur shair daal se....

Posted: **Sat Sep 17, 2005 4:43 pm**

Dilli ho to basane ki tavaqqo ho dobaara
UjaRa hua dil phir se basaaya nahiN jaata

Posted: **Tue Sep 20, 2005 8:35 pm**

Dosti jub kisi se kii jaaye
Dushmanon ki bhi raaye li jaaye

Mout ka zeher hai fizaaon mein
Ab kahan jaake saans li jaaye

Posted: **Wed Sep 21, 2005 9:32 am**

dayaar-e-Gair me.n kaise tujhe sadaa dete
tuu mil bhii jaataa to tujhe ga.Nvaa dete

Posted: **Wed Sep 21, 2005 11:59 am**

Dam hai nikaltaa ik aashiq ka bhiR hai aakar dekh to lo
laakh tamaashe dekhe hoNge ek nazaara aur saHeeH

Posted: **Thu Sep 22, 2005 1:23 am**

Dil kii baateN aayieN sabaaN per ab yeh kehnaa mushkil hei

dunyaa saari deewaani hei yaa maiN hii deewaanah hooN.

Nazir.

Harf-e-'dAAL' se ash'aar bhejiye..shukriya!