Dosto! Salam

Ek purani Ghazal choTi zameen meN aapki nazr kar raha hooN, ummid hai pasaNd farmayeNge.

Apka Mukhlis,
Jawaid Badauni
---------------------------------------------------


Jitni bar gaye gulshan tak
KaanTe hi aaye daaman tak

Kaise kaise moR aate haiN
Khuwahish-e fun se manzil-e fun tak

Ashk-e-alam ka zikr chalaa tha
Baat gayeee unke daaman tak

SubH-e chaman to hogee lekin
Kaun jiyega subH-e chaman tak

Dard ki lai kuch dheemi rakhiye
Ghar ki bat rahe aaNgan tak

Josh-e junooN hi saath rahaa hai
Nara-e haq se daar.o.rasan tak

“Jawaid” ab to hosh meN aa,o
Sholay aa pahooNche daaman tak

Bahut khoob purani ghazal bhi nai ghazloN se kuch kam nahi jawaid sahib. bahut umda hai
khairandaish
Mahtab Qadr

Mahtab Qadr wrote:Bahut khoob purani ghazal bhi nai ghazloN se kuch kam nahi jawaid sahib. bahut umda hai
khairandaish
Mahtab Qadr

Azeezi Mahtab Qadr Sahab

Aapki purKhuloos daad ke liye behud mamnoon hooN.

Ummid hai aaindah bhi yaad farmate rahenge.

Mukhlis
Jawaid

jawaid badauni wrote:
Dosto! Salam

Ek purani Ghazal choTi zameen meN aapki nazr kar raha hooN, ummid hai pasaNd farmayeNge.

Apka Mukhlis,
Jawaid Badauni
---------------------------------------------------


Jitni bar gaye gulshan tak
KaanTe hi aaye daaman tak

Kaise kaise moR aate haiN
Jada-e fun se manzil-e fun tak

Ashk-e Gham ka zikr chalaa tha
Baat gayeee unke daaman tak

SubH-e chaman to hogee lekin
Kaun jiyega subH-e chaman tak

Dard ki lai kuch dheemi rakhiye
Ghar ki bat rahe aaNgan tak

Josh-e junooN hi saath rahaa hai
Nara-e haq se daar.o.rasan tak

“Jawaid” ab to hosh meN aa,o
Sholay aa pahooNche daaman tak

mukarramee Jawaid SaaHeb: aadaab!

kayee din ke ba'd "net" par aayaa hooN to aap kee yeh Ghazal dekh`ne ko milee. beHr aur zameen donoN hee achh`ee haiN aur aap kee fikr bh`ee u'mdah hai. daad qubool keejiYe! sab hee asha'ar pasand aaYe. do ek maqaamaat par Zehn meN Khalish paidaa huwee so gosh-guZaar kar rahaa hooN. ho saktaa hai keh yeh meree Ghalat^fehmee ho!
-------------------------
Kaise kaise moR aate haiN
Jada-e fun se manzil-e fun tak

kaheeN aap :se: kee jagah :meN: to naheeN kehnaa chaahate th`e? aap raaste se :muR: kar manzil tak naheeN poNhach sakte haiN. albattah aise raaste par Z^aroor chal sakte haiN jo manzil tak jaate jaate pech-o-Kham kaa shikaar ho!
---------------------------------
Ashk-e Gham ka zikr chalaa tha
Baat gayeee unke daaman tak

aap ne "ashkay Gham" baaNdh`aa hai jab.k aap kee muraad :ashk-e-Gham: (e=zer) hai. agar :ashk-e-Gham: ko SaHeeH adaa,igee se paRhiYe to miSra' be-wazn ho jaataa hai. alfaaz kee heraa-ph`eree se yeh a'ib door ho saktaa hai. mazeed yeh keh :gayee: kee jagah :poNhchee: kar deejiYe to miSre' meN aur jaan aa jaaYe gee.

poNhchee baat un ke daam tak!
-------------------------------------
ek kaamyaab Ghazal par mubaarakbaad!

Sarwar A. Raz "Sarwar"

jawaid badauni wrote:

Mohtarmee Sarwar Sahab,
Aadab qubool kijiye

MaiN Khood soch raha tha kaii din se kisee chaupal meN aap ki tahreer dekhne ko nahiN mili. Ummid hai mizaj baKhair hoNge. Main ne yeh ghazal bhi SuKhan Dost men hi bheji thee magar iss baar ek karam farma' ne ise yahaN muntaqil kar diya hai. Bahar haal jaisee unki marzee.

Ghazal ki pazeeraaii ke liye shukriya. Meri purani GhazaleN isee rang meN hain jo maiN ab baari baari bhejna chaahta hooN.

Aap ke donoN e'traz sir aaNkhoN per. DonoN hi jagah "typo" ki ghaltee hoii hai. Pahla misAra kuch yooN tha: "Khuwahish-e fun se manzil- fun tak". Doosre misAra kuch yooN tha: "Ashk-e-alam ka zikr chalaa tha", jise maiN kuch aage peche type kar gaya hooN. Yeh 1971 ki ghazal hai thik se yaad bhi nahin rahee.

Inn "typing" ki KhamiyoN ki nishandihee ke liye ek baar phir shukriya.

KhaakSaar,
Jawaid Badauni

mukarramee Jawaid SaaHeb:aadaab!

Khat^ kaa shukriyah! in t^abSiroN kaa baRaa faa,idah yehee hai keh apnee :typos: kaa bh`ee i'lm ho jaataa hai! waise :typos: to ek aadh` Harf kee hotee hai. :jaadah: se :Khwaahish: kaa kyaa i'laaqah?

Khair, aap keh rahe haiN to baat mo'tabar hee hai. aahistah aahistah :type: kareN to aisee Ghalat^iyoN kaa imkaan kam ho jaataa hai. magar yeh to aap jaante hee haiN!

yaar zindah, SuHbat baaqee!

Sarwar A. Raz "Sarwar"

Sarwar Raz wrote:

jawaid badauni wrote:

Mohtarmee Sarwar Sahab,
Aadab qubool kijiye

MaiN Khood soch raha tha kaii din se kisee chaupal meN aap ki tahreer dekhne ko nahiN mili. Ummid hai mizaj baKhair hoNge. Main ne yeh ghazal bhi SuKhan Dost men hi bheji thee magar iss baar ek karam farma' ne ise yahaN muntaqil kar diya hai. Bahar haal jaisee unki marzee.

Ghazal ki pazeeraaii ke liye shukriya. Meri purani GhazaleN isee rang meN hain jo maiN ab baari baari bhejna chaahta hooN.

Aap ke donoN e'traz sir aaNkhoN per. DonoN hi jagah "typo" ki ghaltee hoii hai. Pahla misAra kuch yooN tha: "Khuwahish-e fun se manzil- fun tak". Doosre misAra kuch yooN tha: "Ashk-e-alam ka zikr chalaa tha", jise maiN kuch aage peche type kar gaya hooN. Yeh 1971 ki ghazal hai thik se yaad bhi nahin rahee.

Inn "typing" ki KhamiyoN ki nishandihee ke liye ek baar phir shukriya.

KhaakSaar,
Jawaid Badauni

mukarramee Jawaid SaaHeb:aadaab!

Khat^ kaa shukriyah! in t^abSiroN kaa baRaa faa,idah yehee hai keh apnee :typos: kaa bh`ee i'lm ho jaataa hai! waise :typos: to ek aadh` Harf kee hotee hai. :jaadah: se :Khwaahish: kaa kyaa i'laaqah?

Khair, aap keh rahe haiN to baat mo'tabar hee hai. aahistah aahistah :type: kareN to aisee Ghalat^iyoN kaa imkaan kam ho jaataa hai. magar yeh to aap jaante hee haiN!

yaar zindah, SuHbat baaqee!

Sarwar A. Raz "Sarwar"

Mohtaram Sarwar Sahab, Tasleem

Aapke murasilay ke liye shukriya.

Typo meN huroof ke saath sath alfaz, fiqre ya misArey bhi ghalat ho sakte haiN. Aap ne shayad meri arz per tawajjo nahiN farmayee. MaiN ne likha tha keh yeh Ghazal 1971 meN kahi thee aur yaadaasht ki madad se ab irsaal ki hai so kuch alfaz idhar ke udhar ho gaye.

Main apne deeni mad.hiya kalam ko mahfooz karta hooN magar ghazaleN aur nazmeN nah janee kitni haiN aur kahaN kahaN haiN. Albattah, jab se computer seekha hai, apne beshtar kalam ko "D" drive meN save karne lagaa hooN.

Ek baar phir shukriya.

Ahqar,
Jawaid