HaZrat Khwajah Shauq
Posted: Wed Sep 14, 2005 3:45 am
MuHtarameen
aHbaab-e-sukhan,
Purkhuloos Tasleemaat, :rose
HaZrat Khwajah Husein Sheriff jinka muqaam-e-paidaayish Hyderabad, India, taarekh-e-paidaayish 26 zilHaj, 42 Hijri = 29 July, 1934 Aeesavi hei aur jinka qalmi naam Khwaajah Shauq hei. In kii zindagi kii mazeed tafseelaat kaa zikr karnaa sooraj ko charagh dikhaane ke mumaacil hei.
Aek ArSah pahle aek bahut hii chouTaa saa kitaabchah aek doust ke zaryiyeAe mujhe milaa thaa jis mein unki mukhtaSar sii sawaaniH-e-Haaat ke ilaawah muntakhab ashAaar bhii thay.
Khayaal aayaa ke inkaa zikr urdubandhan per kiyuN nah kiyaa jaaye tou inke b'aZ muntakhab ashAaar pesh karrahaa hooN:
Muntakhab ashAaar
yahaaN tuHfaoN ko aansoo aur nazraanaoN ko jaaneN heiN
ghareebaoN kii muHabbat meiN kahaaN shaan-e-ameeraanah
kisi kii bhii nah kii parvaah bawaqt-e-waapaseeN maiN ne
jab aankhaoN meiN tum aaye sab se aankheN pher leeN maiN ne
khul ke aaye saamne dushman bahut naadaan thay
doust daanaa thay jou aakhir tak nah pahchaane gaye
rah-e-ulfat meiN jab tark-e-tavassuT kaa muqaam aayaa
nah dunyaa mere kaam aayi nah maiN dunyaa ke kaam aayaa
pee gaye kitne hii aansoo ham banaam-e-zindagie
aek muddat meiN kahiN dil dard ke qaabil banaa
pahle aaghaz-e-shab-e-gham to samajh meiN aaye
b'ad kii baat hei hangaam-e-saHar kyaa hougaa
hamaare Haal pah tum chaahou jisqadar hanslo
nah do zamaane ko mauqaA hansi uRaane kaa
=======
ab is mukhtasar intikhaab ke saath ijaazut chaahtaa hooN. Agar mumkin houaa tou doosri qisT ke saath HaaZir houne kii koushish karungaa.
Aapka Mukhlis,
Nazir.