ek manz^oom Khat^
Posted: Sat Oct 15, 2005 10:28 pm
dosto: aadaab!
ek manz^oom Khat^ pesh hai. shukriyah!
Sarwar A. Raz "Sarwar"
ek manz^oom Khat^ pesh hai. shukriyah!
Sarwar A. Raz "Sarwar"
Wah kya Khub Khat likha saHab
PaRhke Khat lutf aa gaya saHab
Ek ghaltee ko Thik kar leeje
Aib ujlat meN ho gaya saHab
"Mere haq meN doa kareN" ki bajaai
"Mere haq meN kareN doa saHab"
Dil mira chaahta hai maiN bhi likhooN
Jaisa Khat hai yeh aapka saHab
Khat magar iss qadar mukammal hai
Aur likhne ko kya bachaa saHab
Aap haiN Khushnaseeb Sarwar Bhaii
Aapke dost haiN Zia saHab
Humko qismat se jo bhi dost mile
Sub haiN bemehr.o.bewafa saHab
Mujhko jana hai ab mire daftar
Namukammal hi Khat rahaa saHab
Aapse aur kuch nahiN darkar
Bus mujhe deejiye doa saHab
Jawaid Badauni
-----------------------------------