Irfan saHib

salaam arz hai

bahot khoob janaab, bahot lutf aaya aap ki ghazal paRh ker.

kia khoobsurat ash'aar kahe haiN :

raqSaaN ajal hei Taair-e-bismil ke saamne
"maiN sar jhukaaye baiThaa hooN qaatil ke saamne"

Houtaa hei intikhaab bahut sakht us ghaRi
tarjeeH kaa sawaal hou jab dil ke saamne

hounaa thaa sarfaraaz use aur hougayaa
jhuktaa nahiN hei Haq kabhi baaTil ke saamne

phoolaoN meiN unko Azm ne tabdeel kardiyaa
jou khaar aaye jaada-e-manzil ke saamne

auraoN kii mushkilaat ka jab tajziyhah kiyhaa
kaafi baRi lageeN miri mushkil ke saamne

misra-e-taraH per girah bhi khoob lagaai hai, aik umda ghazal sunaane per daad qubool farmaaiN

Amjad

Mohtram Irfan sahab kaise hain aap?bade din baad aap ko dekha....aap ki taaza ghazal bhi dekhi..bahut achchi hai..kuch lafz samajh nahi paayi ..agar samjhaa dein to inaayat hogi aur hum bhi ghazal ka poori tarah mazaa le sakenge... alfaaz hain...

Taair-e-bismil

kaar-e-sitam-zareefiy-e-amvaaj

rauZa-e-aThar

zanoob


Shukriya!

in ashaar pe khusoosi daad pesh hai..

Houtaa hei intikhaab bahut sakht us ghaRi
tarjeeH kaa sawaal hou jab dil ke saamne

phoolaoN meiN unko Azm ne tabdeel kardiyaa
jou khaar aaye jaada-e-manzil ke saamne

auraoN kii mushkilaat ka jab tajziyhah kiyhaa
kaafi baRi lageeN miri mushkil ke saamne

daur-e-munaafiqat meiN use Haq navaa kahou
izhaar-e-Haq jou karsake meHfil ke saamne

ieemaan bik hii jaayegaa :Irfan: dekhnaa
rishwat rakhi hei munSif o Aadil ke saamne

wah wah wah bahut umda!!!!!!!!!!!!!!!


Shumaila

mohtaram amjad bhai

salam-e-masnoon

ek muddat-e-madeed ke bAd aapka nawazish namah nazar nawaz hua.aap to mujhko bhool hi gaye they . dar asl maiN bhi bahut masrrof rahta hooN is liye idhar kam hi aana hota hai. khair ghazal ki pazirai ka bahut bahut shukriyah. ummeed hai ayendah bhi yad farmate raheiNge.

khair andaish

irfan barabaankwi

mohtaramah

SHUMAILAH SAAHIBAH

tasleemat


aik muddat ke bAd aapki inayat namah dekha . bahut khushi hoi ke aapne
meri ghazal ko pasand kiya. meri masroofiat ne mujhko aap sabse door kar diya hai. koshish karooNga ke ayendah bhi urdu bandhan per aata rahooN.

aapne kuchh alfaz ke mAni dryaft kiye hai jo has zail haiN :

tair-e-bismil = woh parindah jo marne ke qareeb ho yani jisko zabah kar diya gaya ho.

kar-e-sitam-zareef-e-amwaj = maujooN ke sitam ka kam

zanoob = gunah

ghazal ki psandeedgi ka shukriyah. ummed hai ke ayenda bhi yad rakheiNgi.

khair andaish

irfan barabankwi

mohtaramah

SARA SAHIBAH

tasleemat

aapka nawazish namah nazar nawaz hua. bahut bahut shukriyah.

bahut dino ke baAd mohtaram nazir sahib ke hukm per yeh ghazal likhne ki koshish ki thi. aalh ka shukr hai ke aap sabko pasand aayi. koshid karooNga ke ayendah bhi likhta rahooN. aapki sit masha allah bahut achhi chal rahi hai. mubarakbad qubool kareiN.

khair andaish

irfan barabankwi

salaam 'Irfaan saaHib,

aapkii Ghazal nazar_nawaaz huii aur hamesha kii taraH ham bahot maHzooz huye. bahot 'umda Ghazal paRhne ko mili mujhe. sabhii ash'aar zabardast haiN magar zel meN darj ash'aar kuchh ziyaada hii pasand aaye.

raqSaaN ajal hei Taair-e-bismil ke saamne
"maiN sar jhukaaye baiThaa hooN qaatil ke saamne"

kaar-e-sitam-zareefiy-e-amvaaj dekhiye
kashti miri Diboyi hei saaHil ke saamne

Houtaa hei intikhaab bahut sakht us ghaRi
tarjeeH kaa sawaal hou jab dil ke saamne

hounaa thaa sarfaraaz use aur hougayaa
jhuktaa nahiN hei Haq kabhi baaTil ke saamne

MeHsoos mujhko rauZa-e-aThar pah yeh houaa
naaqiS khaRaa hei banda-e-kaamil ke saamne

raHmat bahut baRi hei hamaare zanoob se
jaise koii pahaaR hou ik til ke saamne

phoolaoN meiN unko Azm ne tabdeel kardiyaa
jou khaar aaye jaada-e-manzil ke saamne

detaa hei bus vohi unheN jeene kaa HauSlah
gulshan hei jou qafas meiN Anaadil ke saamne

auraoN kii mushkilaat ka jab tajziyhah kiyhaa
kaafi baRi lageeN miri mushkil ke saamne

daur-e-munaafiqat meiN use Haq navaa kahou
izhaar-e-Haq jou karsake meHfil ke saamne

ieemaan bik hii jaayegaa :Irfan: dekhnaa
rishwat rakhi hei munSif o Aadil ke saamne

yeh bhii Khoob rahii...ba_Khuda, sochaa thaa 4-5 ash'aar nikleNge aise magar yeh maajra bhii dekhiiye k ek ek she'r kuchh aisaa bhaayaa ki kisi ek ko tarjeeH denaa mujh se na ban paRaa...bahot Khoob. subHaan Allah

faqat Khaak_nashiiN,

Hashmat

irfan barabankwi wrote:
MuHtaramaat o MuHtarameen
aHbaab-e-meHfil,

aadaab,

Guzarish 11 ke TaraHi miSreA per apni ghazal pesh karne kii saAaadat Haasil karrahaa hooN. Ummeed ke apni giraaNqadr aaraa se navaazkar mujhe shukriyah adaa karne kaa mauqaA denge.

GHAZAL

raqSaaN ajal hei Taair-e-bismil ke saamne
"maiN sar jhukaaye baiThaa hooN qaatil ke saamne"

kaar-e-sitam-zareefiy-e-amvaaj dekhiye
kashti miri Diboyi hei saaHil ke saamne

Houtaa hei intikhaab bahut sakht us ghaRi
tarjeeH kaa sawaal hou jab dil ke saamne

hounaa thaa sarfaraaz use aur hougayaa
jhuktaa nahiN hei Haq kabhi baaTil ke saamne

MeHsoos mujhko rauZa-e-aThar pah yeh houaa
naaqiS khaRaa hei banda-e-kaamil ke saamne

raHmat bahut baRi hei hamaare zanoob se
jaise koii pahaaR hou ik til ke saamne

phoolaoN meiN unko Azm ne tabdeel kardiyaa
jou khaar aaye jaada-e-manzil ke saamne

detaa hei bus vohi unheN jeene kaa HauSlah
gulshan hei jou qafas meiN Anaadil ke saamne

auraoN kii mushkilaat ka jab tajziyhah kiyhaa
kaafi baRi lageeN miri mushkil ke saamne

daur-e-munaafiqat meiN use Haq navaa kahou
izhaar-e-Haq jou karsake meHfil ke saamne

ieemaan bik hii jaayegaa :Irfan: dekhnaa
rishwat rakhi hei munSif o Aadil ke saamne
=======

Khair Andesh,
Irfan Barabankwi

salaamun alaikum
mohtaram irfan barabankawi saahib

masha allah

bahut hee umda ghazal pesh kee hai aapne.bahut khoob

allah(sbhnwt)kare zore qalam aur ziyaada

taalibe dua
haamidbaaqri

mohtaram
HASHMAT SAAHIB

salam-e-masnoon

aik muddat-e-madeed ke bad aapka nawazish namah nazar nawaz hua.

ghazal ki pazirai ka bahut bahut shukriyah. aap jaise ahl-e-ilm ki dad pakar meri ghazal moAtabar ho jati hai. himmat afzayi ka bahut bahut shukriyah.

khair andiash

irfan barbankwi

mohtaram

HAAMID BAQRI SAAHIB

salam-e-masnoon

aapka nawazish namah paRhkar bahut khushi hoi. aap jaise achhey
shOra ki dad mere lye sanad ka darja rakhti hai. ummeed hai ke ayendah bhi aap is nacheez ki hauslah afzayi farmate raheiNge.

khair andaish

irfan barabankwi

janab
FARHAN SAAHIB

salam pesh karta hoon

aapka maktoob nazar nawaz hu. ghazal ke psandeedgi ka bahut bahut shukriyah. ummed hai ke ayendah bhi apni mohabbatoN meiN yad rakheiNge.

khair andaish

irfan barbankwi