salaamun alaikum
dosto
aik aur adna see kaavish peshe khidmat hai
gar qbool uftad zahe...


arz kiya hai.....

rishta rakhe.nge ab na kabhie jaahilo.n se hum
ab dosti kare.nge faqat ^aalimo.n se hum

^aalim wohee hai.n jo woh kahe.n karke bhi dikhaaye.n
nafrat munaafiqat ke kare.n raasto.n se hum

t^aaleem zinda karti hai murda zameer ko
waabistah isliye hai.n bahut madraso.n se hum

insaan fikr karlay too apne wujood per
aate hai.n kyu.n guzarte hai.n kyu.n marhalo.n se hum

kaaghaz qalam siyaahee se aate hai.n inquilab
haamid ke sh^er sun ke lade.n zaalimo.n se hum

nateejaye fikr
haamidbaaqri
al hamdulillah

Salam Hamid sahab ...

Aik khoobsurat ghazal share karnay ka shukria


Khush rahain

Khair Andesh

Raheel Ahmed

rahmed25682 wrote:Salam Hamid sahab ...

Aik khoobsurat ghazal share karnay ka shukria


Khush rahain

Khair Andesh

Raheel Ahmed

mohtaram raheel ahmed saahib
salaamun alaikum

aapne hamaari adna see kaavish ko pasand kiya aur saraaha iskeliye hum aapke behad mamnoono mashkoor hai.n.

aap bhi khush rahe.n

taalibe dua
haamidbaaqri

rahmed25682 wrote:Salam Hamid sahab ...

Aik khoobsurat ghazal share karnay ka shukria


Khush rahain

Khair Andesh

Raheel Ahmed

mohtaram raheel ahmed saahib
salaamun alaikum

aapne hamaari adna see kaavish ko pasand kiya aur saraaha iskeliye hum aapke behad mamnoono mashkoor hai.n.

aap bhi khush rahe.n

taalibe dua
haamidbaaqri