salaam Zahida Ra'iis "Raji" saaHiba,

ummeed hai ki aapke mizaaj-e-giraamii ba_Khair hoNge.

aapkii Ghazal nazar guzaar huii aur yaqeen jaaniye bahot lutf aayaa. sabhii ash'aar achchhe haiN, gireh bhii Khoob lagaaii hai masha Allah. subHaan Allah. majmoo'ii taur par aapkii yeh Ghazal ek kaamiyaab Ghazal kahlaayegii. aapko meri jaanib se DheroN daad aur mubaarak_baad. Allah kare zor-e-qalam aur ziyaada.

apne hone kii kia gawaahii duuN
aaiina mujh se aashnaa na huaa

subHaan Allah, waah waah, bahot Khoob

farz e iKhlaaq kar liyaa vaajib
"haq to yeh hai ki Haq adaa na huaa"

bahot KHoob Raji saaHiba bahot Khoob

kaisa insaaf hai zamaane kaa
har bhale ka kabhi bhalaa na huaa

bahot zabardast tanz aur Haqeeqat bayaanii kii hai aapne.

shukria share karne ka.

faqat naa_cheez,

Hashmat

RAji sahiba salam
bahut khoob , ghalib ki zameen mai sher kahna khud aik himmat aur hausle ki baat hai ,aur phir us ghazal mai koi baat paida karna dosri khoobi hai. baharhal aik achi ghazal ki peshkash par bahut daad pesh e khidmat hai. baqi zaban aur tarakeeb ki kuch bateiN ho sakta hai Mohatram Sarwar sahib aur Abdullah bhai se umeed hai ke vo wazeh kariegne.
shukria
Mahtab Qadr

Hashmat Usmani wrote:salaam Zahida Ra'iis "Raji" saaHiba,

ummeed hai ki aapke mizaaj-e-giraamii ba_Khair hoNge.

aapkii Ghazal nazar guzaar huii aur yaqeen jaaniye bahot lutf aayaa. sabhii ash'aar achchhe haiN, gireh bhii Khoob lagaaii hai masha Allah. subHaan Allah. majmoo'ii taur par aapkii yeh Ghazal ek kaamiyaab Ghazal kahlaayegii. aapko meri jaanib se DheroN daad aur mubaarak_baad. Allah kare zor-e-qalam aur ziyaada.

apne hone kii kia gawaahii duuN
aaiina mujh se aashnaa na huaa

subHaan Allah, waah waah, bahot Khoob

farz e iKhlaaq kar liyaa vaajib
"haq to yeh hai ki Haq adaa na huaa"

bahot KHoob Raji saaHiba bahot Khoob

kaisa insaaf hai zamaane kaa
har bhale ka kabhi bhalaa na huaa

bahot zabardast tanz aur Haqeeqat bayaanii kii hai aapne.

shukria share karne ka.

faqat naa_cheez,

Hashmat

Mautraum Hashmat Usmani SaaHeb:
Aadaab-o-tasleemat

kalaam per aap kee tavajjue aur daad ke liye diL kee ghairahiyoon se mamnoon hoon.

Daad aur bharphoor hosla^afzai ke liye shukguzaar

Zahida Raees :Raji:

Raji wrote:SukhanwaraaNe bazm
Aadaab-o-tasleemat:

Ek baar phir hum hazir hai.
Kuch arsa qabL ek koshish ek misrah-e-tarha per kee thee jise yahaan share karNa chahtee hoon. shayed ke aap sub ke liye qabiL-e-qubooL ho.
Agar kisee muqaam per koi kami yaa ghaltee ho tu uss kee nishaNdehi aur durustgi ke liye rah^numahi zaroor keejiye shukrguzaar hoongi

Aap kee aaraa aur rahnumahi kee muntazir

Zahida Raees :Raji:

haah raji sahiba
waah waah bohat khoob

kiya khoob ghazal sunaaii hay aap nay dil KHush hogaya mayri taraf say dhairoN daad qubool kijiye

husaini

Mahtab Qadr wrote:RAji sahiba salam
bahut khoob , ghalib ki zameen mai sher kahna khud aik himmat aur hausle ki baat hai ,aur phir us ghazal mai koi baat paida karna dosri khoobi hai. baharhal aik achi ghazal ki peshkash par bahut daad pesh e khidmat hai. baqi zaban aur tarakeeb ki kuch bateiN ho sakta hai Mohatram Sarwar sahib aur Abdullah bhai se umeed hai ke vo wazeh kariegne.
shukria
Mahtab Qadr

Mautaram Janab-e-Mahtaab Qadr Saaheb
aadaab-o-tasleemat,

bauth maa^zrat khwa hoon ke takheer se jawab likh rahi hoon ke masroofiyat hamaisa kee tarha se aaRe aa rahi hai.

Baqul ek shair (Shayed ke Waseem Barelvi saaHeb):

:Ghalib: teree zameen pe likhee tu hai ghazal
tere qad-e-sukhan ke barabar nahein hoon mein

buss yeh ek adnaa si koshish hai ke abhi tu hum seekhne ke safar per chalne lage hain kaheen giren ge kahein uThen ge buss mukhlis saatiyoon aur astaaizaa kee rah^numahi darkaar hai :)

aap nein jinn kamiyoon kee janib ishaaraa kiya hai agar unn kee tafseel aur unn per rah^numahi bhi farmaa daite tu bauth inaayaat hotee ke asatiza-e-karaam bhi masroof nazar aa rahe hain ke meree iss koshish per tavajjue de saken. :)

Aap kee tavajjue aur khat ka diL kee ghairiyon se shukriya. Aap kee rah^numahi ka intizaar rahe gaa.

Wassalam

Zahida Raees :Raji:

zahida sahiba:

ghalib ki zameen meiN aap ne umda ghazal likhi hai , lutf aaya paRh ker

meri jaanib se daad aur mubarak.baad qubool farmaaiN

amjad

khozema husaini wrote:

Raji wrote:SukhanwaraaNe bazm
Aadaab-o-tasleemat:

Ek baar phir hum hazir hai.
Kuch arsa qabL ek koshish ek misrah-e-tarha per kee thee jise yahaan share karNa chahtee hoon. shayed ke aap sub ke liye qabiL-e-qubooL ho.
Agar kisee muqaam per koi kami yaa ghaltee ho tu uss kee nishaNdehi aur durustgi ke liye rah^numahi zaroor keejiye shukrguzaar hoongi

Aap kee aaraa aur rahnumahi kee muntazir

Zahida Raees :Raji:

haah raji sahiba
waah waah bohat khoob

kiya khoob ghazal sunaaii hay aap nay dil KHush hogaya mayri taraf say dhairoN daad qubool kijiye

husaini

Janab-e--Khozema Husaini saahib
Walaikum Assalam

Aap ke khat ke liye bohat shukriya.
aap ko kalam pasand aayaa yeh jaan kar khushi howee. Daad ke liye bhi bohat shukriya.
khush rahiye :)
Wassalam
Zahida Raees :Raji:

Raji sahiba ...

WAH WAH ...

aap kee ghazal be-hadd pasand aayee ...
GHALIB kee zameen main aik achhy ghazal kahee hay .. DAAD qubool keejiye

Khush rahain

Khair Andesh

Raheel Ahmed

Abdullah Nazir wrote:
MuHtaramah
R A J I Saahibah

Purkhuloos Tasleemaat,

Aapki ghazal paRhkar bahut khushi houi. Tamam ashAaar achche heiN. Apni raaye ke izhaar meiN takheer ke liye muAafi chaahtaa hooN. Waise yeh takheer mere bas meiN nahiN thii kiyooNkeh internet line kii mutavaatir problems kii vajah se hasb-e-mamool apni comments dene se qaasir rahaa. Baharhal aapki ghazal bahut pasand aayi aur ummeed kartaa hooN ke aayindah bhii aap isi tarah se hameN apne kalaam se navaazti rahengi.



Aapka Mukhlis,

Nazir.

Mohtaram Janab-e-Abdullah Nazir Saahib:
Aadaab-o-tasleemat,

Aap ka khat daikh kar be-hadd khushi howee. "deyr aayad durust aayad" ke musdaaq aap asaatizaa kee aaraa aur rah^numahii ham jaise nau-mashqooN ke liye bohat ehem hai :).
Jab se mehtaab-qadr saaheb nay zabaan-o-taraqeeb kee khamiyooN kee janib nishaandahi kee hai meN aap asaatizaa kee muntazir thee ke iss silsileh meN kuch rah-numahii mil sake.

Sir, yeh net connectivity kee problem tu har jagah hee hai iss liye ham sab hee ek dosre kee wajah-e-takheer samajhte heN.
aap ke istifsaar ke liye bohat shukriya.
Kalam kee pasandeedgi aur hosla^afzai ke liye bohat bohat shukirya. Ummeed kartee hooN ke aayindah bhii aap kii hosla-afazii aur rahnumahii miltee rahe gee.

Wassalam

Zahida Raees :Raji:

fatimah wrote:aslaam_u_alikam

raji sis

waah kiya kehney hain.
bohat khub tarai misreh per bohat zabaradast gazal kahi.
dheroon daad hazir hey

shukriya

Azeezi Faitmah sis, bohat bohat shukriya ke tumheN yeh ghazal pasand aayee aur tum ne apni aaraa ka izhaar bhi kiyaa.

Jugh jugh jeeyo :)

Ibn-e-siddique wrote:zahida sahiba:

ghalib ki zameen meiN aap ne umda ghazal likhi hai , lutf aaya paRh ker

meri jaanib se daad aur mubarak.baad qubool farmaaiN

amjad

Janab-e-Amjad saaHeb:

takheer se likhne ke liye maa'zrat, aap ke khat, kalaam kee pasnadeedgi aur daad ke liye dil kee ghairayooN se mamnoon hooN.

wassalam

Zahida Raees :Raji: