salaamun alaikum
dosto

aapke diye hue misre per hamaari adna kaavish peshe khidmat hai

gar qubool uftad zahe......

arz kiya hai......

jisko chaaha tha hamsafar nah huee
"do ghadi chayn se basar nah huee"

hum judaai mei.n uski rote rahe
woh magar hum peh nauhagar nah huee

jis se khush ho khuda mira aisee
aik naykee bhi ^umrbhar nah huee

hai.n woh naadaan jo yeh kehte hai.n
zeest kyu.n apni mukhtesar nah huee

zindagi mukhtesar hi hai haamid
iski shaayed unhe.n khabar nah huee

nateejaye fikr
haamidbaaqri
al hamdulillah

WEBMASTER wrote:
MuHtarami
Haamid Baaqri SaaHib,

PurkhulooS tasleemaat,

Aapki ghazal bahut pasand aayi jiske liye meri dili daad aur mubaarakbaad qubool farmaayiye.

MULAAHIZAAT

jisko chaaha tha hamsafar nah huee
"do ghadi chayn se basar nah huee"

Bahut khoob, bahut achchaa maTlaA hei aapki kaamyaab gireh ke saath , waah waah.

hum judaai mei.n uske rote rahe
woh magar hum peh nauhagar nah huee

Bahut achchaa sheAr hei. waah waah. Pahle miSreA meiN "uski " ko aap ne ghalaTi se "uske" type kardiyaa hei, durust farmaaleN.

jis se khush ho khuda mira aisee
aik naykee bhi ^umr bhar nah huee

WaaH waah yeh aapka makhSooS andaaz hei.

hai.n woh naadaan jo yeh kehte hai.n
zeest kyu.n apni mukhtesar nah huee

Yeh bhi aapke makhSooS andaaz kaa sheAr hei. bahut khoob.

zindagi mukhtesar hi hai haamid
iski shaayed unhe.n khabar nah huee

Aapke is maqTeA kaa mafhoom is se pahle ke sheAr se taAalluq rakhtaa hei is liye ham in donouN ashAar ko QiTAa band keh sakte heiN.

MaiN dobaarah aapko is kaamyaab ghazal per mubaarakbaad pesh kartaa hooN.


Aapka MukhliS,
Nazir.

salaamun alaikum
mohtaram abdullah nazir saahib

aapki mukhlisanah aur ^aarifaanah daad ke hum behad mamnoono mashkoor hai.n.

allah(sbhnwt)aap per apni rehmato.n ki baarish kare.aameen

aapka mukhlis
haamidbaaqri

wah bahut khobo...achchi ghazal kahi hai..daad pesh hai Haamid sahab

Shumaila

Shummu wrote:wah bahut khobo...achchi ghazal kahi hai..daad pesh hai Haamid sahab

Shumaila

salaamun alaikum
mohtaramah shumaila saahebah

ghazal pasand farmaane ka bahut bahut shukriya.aapki mukhlisaanah daad ko humne qubool kiya.

salaamat rahe.n

jazakallah
haamidbaaqri

sara_j wrote:hamid sahib....aapki aek aur achi tehreer parhne ko mili
sabhi ashaar ache hain daad qubool keejiye.

haamidbaaqri wrote: jisko chaaha tha hamsafar nah huee
"do ghadi chayn se basar nah huee"

hum judaai mei.n uski rote rahe
woh magar hum peh nauhagar nah huee

jis se khush ho khuda mira aisee
aik naykee bhi ^umrbhar nah huee

hai.n woh naadaan jo yeh kehte hai.n
zeest kyu.n apni mukhtesar nah huee

zindagi mukhtesar hi hai haamid
iski shaayed unhe.n khabar nah huee

salaamun alaikum
azeez behna sara

kaisee hai.n aap?

hum muaazirat chaahte hai.n keh apni masroofiyat ke baais bahut dino.n baad jawaab de rahe hai.n.

aapki purkhuloos daad ko hum tahe dilse qubool karte hai.n.aur allah(sbhnwt) se hamaari behna ki salaamati ki dua maangte hai.n.aameen

khush rahe.n aap
haamidbaaqri