• tarahi ghazal guz#15

Posted: **Sun Mar 26, 2006 10:13 am**

Ahl-e-bazm
aadaab
apni adna si ghazal aap ki khidmat maiN pesh kar rahi hoN aap ki aaraa ka intizaar rahey ga
regards
zmufti

1. hina ka rang hathaili se to juda na houaa
Who meray saath raha per kabhi mirra na houaa

2. ghamoN ki qaid se mera yeh dil raha na houaa
“Tumhaare hijr meiN kyaa kuch na beeti kyaa nah houaa"

3. khizaaN naseeb rahey ham guloN ki rut maiN bhee
bahaar aayii per apna chaman hara na houaa

4. zamane bhar ki jafaaooN ke shikwey kar na sakey
tirri jafaa ka bhee ham se kabhi gila na houaa

5. hamieN yaqeeN thaa tumhaari tamam baatoN per
tumhara aik bhee waada magar wafa nah houaa

6. maiN jee hi leti tiri yaadaoN ke sahaare per
tirre baghair bhee jeenay ka hosla na houaa

7. nadamtoN ka to har aan meeNh barasta raha
shajar wafa ka jo sookha to phir hara na houaa

Posted: **Sun Mar 26, 2006 10:42 am**

wah zarqa sis..bahut umda ghazla likhi hai aapne hamesha ki tarah khaaskar matla aur 5th sher bahut pasand aaya...daad pesh hai

shumaila

Posted: **Tue Mar 28, 2006 8:28 am**

Shukria Shummu jee

Posted: **Wed Mar 29, 2006 4:34 pm**

shukria Sara jee

Posted: **Sat Apr 01, 2006 5:34 am**

MuHtaramah
Zmufti SaaHibah,

PurkhulooS Tasleemaat,

Aapki TaraHi ghazal bahut pasand aayi jiske liye meri dili daad aur mubaarakbaad qubool farmaayiye.

Mandarja-e-zeil sheAr be-beHr hougayaa hei:

6. main jee hi laiti tirri yaadoN ka sahara lekar
tirre baghair bhee jeenay ka hosla na houaa

Pahle miSreA ko yooN kardeejiye tou sheAr vazn eieiN aajaayegaa:

(maiN jee hi leti tiri yaadaoN ke sahaare per)

Aapka MukhliS,
Nazir.

Posted: **Sat Apr 01, 2006 3:32 pm**

Mohtaram Abdullah Nazir Saheb
Tasleemaat
aap ka shukria ke aap ne meri ghazal ki janib tawajah farmaayi
aap ke mashwarey ke mutabiq misra tabdeel kar diyya hai
wasalaam
zmufti

tarahi ghazal guz#15

tarahi ghazal guz#15

Bahut khoob