Page 1 of 1
Lafz par Ashaar#1--"LAHUU"
Posted: Sun Jan 23, 2005 2:13 pm
by syed bilal armaan
kissi bhi unwan (topic) par sher kahiye....har paanch din mein unwan badla jaye ga...ummid karta hoon ke app sabhi is mein bhi shamill honge..
is matraba ka unwan hai "LAHU"
sher arz hai......
KARO NA FIKR KUCH, ZAROORAT PADI TOH HUM DEN'GE
LAHU KA TEL CHIRAG'OUN MEIN DAL NEY KE LIYE...
Posted: Tue Jan 25, 2005 12:23 pm
by Shummu
salaam sab se pehle to khushaamadeed bilal sahab ..bahut acche silsile ka aaGhaaz kiya hai aapne... magar subject attractive nahi isliye main is badal deti hon taakeh zyaada se zyaada log is mein hissa lein naam parh kar hi :)
ek sher haazir hai lafz LAHU se
kyaa daur-e-Gazal thaa ke lahuu dil main bahut thaa
aur dil ko lahuu karnay kii fursat bhii bohut thii
-- Dr. Kaleem Ajiz.
Posted: Thu Jan 27, 2005 4:48 am
by Hashmat Usmani
ek she'r yaad aa gayaa so sochaa raqm karta chaluuN:
ragoN meN dauRte phirne ke ham nahiiN qaa'il
jab aaNkh hii se na Tapkaa, to phir lahuu kia hai?
Ghaalib
Posted: Thu Jan 27, 2005 4:10 pm
by sadia
LAHU say jab jala diya, ik chiragh bujha howa
phir mujhay diya gaya, ik chiragh bujha howa
Posted: Fri Jan 28, 2005 5:32 pm
by Shummu
wah khoob ash'aar irsaal kiye hain aap sab ne :) Ek aur sher arz hai "lahuu" pe..
main qatl to ho gaya tumhari gali main lekin,
mere lahu se tumhari deewar gal rahi hai,