Page 1 of 1
'alaiHidagee'..........................(Nazm)
Posted: Sun Jun 04, 2006 5:50 pm
by yasir shah
a'laihidagee
kisee bhi shakhS ke itnaa qareeb mat jaa dost !
keh phir a'laiHidagee naaguzeer ho jaa.ay
ik aik yaar meN pinhaaN a'doo nazar aa.ay
har aik rishtah-o-bandhan Haqeer ho jaa.ay
agarcheh rishtah-o-paiwand aTooT heN akcar
zaraa see dair meN lekin yeh TooT jaatay heN
firaaq chaahiye in ki nash-o-numaa ke liye
keh roz milne se bhi dost rooTh jaatay heN
Bahut khoob, waah waah
Posted: Mon Jun 05, 2006 5:13 am
by Abdullah Nazir
MuHtarami
Yasir Shah SaaHib,
PurkhulooS Tasleemaat,
Aapki nazm AlaaHidagi bahut pasand aayi, jis ke liye meri dilli daad aur mubaarakbaad qubool farmaayiye. Ummeed, aapkaa mazeed kalaam paRhne ko milegaa.
Aapka MukhliS,
Nazir.
Re: Bahut khoob, waah waah
Posted: Sun Jun 11, 2006 10:17 am
by yasir shah
WEBMASTER wrote:
MuHtarami
Yasir Shah SaaHib,
PurkhulooS Tasleemaat,
Aapki nazm AlaaHidagi bahut pasand aayi, jis ke liye meri dilli daad aur mubaarakbaad qubool farmaayiye. Ummeed, aapkaa mazeed kalaam paRhne ko milegaa.
Aapka MukhliS,
Nazir.
muHtaramee Abdullah Nazir SaaHib!
assalamOalaikuM
aap kee HoSlah.afzaa.ee kaa beHad shukriyah-aap hameshah meree Haqeer see koshishoN ko saraahte heN,, is se dil baRaa ho jaataa hay
ma'loom yeh karnaa thaa keh lafz "nashw-o-numaa" ki jagah "nash-o-numaa" kaa isti'maal kesaa hay ??
khush rahye
du'aago
yasir
Re: 'alaiHidagee'..........................(Nazm)
Posted: Sun Jun 11, 2006 10:25 am
by yasir shah
sara_j wrote:Yasir bhai,
adaab.
mukhtasir aur haqeeqat se bharpoor aapki nazm
bohat pasand aayi. daad qubool keejiye.
sara
yasir shah wrote:a'laihidagee
kisee bhi shakhS ke itnaa qareeb mat jaa dost !
keh phir a'laiHidagee naaguzeer ho jaa.ay
ik aik yaar meN pinhaaN a'doo nazar aa.ay
har aik rishtah-o-bandhan Haqeer ho jaa.ay
agarcheh rishtah-o-paiwand aTooT heN akcar
zaraa see dair meN lekin yeh TooT jaatay heN
firaaq chaahiye in ki nash-o-numaa ke liye
keh roz milne se bhi dost rooTh jaatay heN
behn Sara J !
aap ki bhi mukhtaSar aur Haqeeqat se bharpoor daad bahut pasand aa.ee- 
khush rahye
du'aago
yasir
Posted: Tue Jun 13, 2006 5:20 am
by Raji
Yasir Bhai aadaab,
bohat dinooN ba'ad aap kee koyii taKhleeq naZar navaaz hai.
Hasb-e-mamool is nazm meN bhi aap apne dost ko samjhane ka kaam kar rahe heN
bohat naik naSeeHateN kee heN aap ne.. mere janib se ek achii taKhleeq par daad qubool keejiye.
wassalam
Zahida Raees :Raji:
Posted: Sun Jun 18, 2006 9:50 am
by yasir shah
Raji wrote:Yasir Bhai aadaab,
bohat dinooN ba'ad aap kee koyii taKhleeq naZar navaaz hai.
Hasb-e-mamool is nazm meN bhi aap apne dost ko samjhane ka kaam kar rahe heN
bohat naik naSeeHateN kee heN aap ne.. mere janib se ek achii taKhleeq par daad qubool keejiye.
wassalam
Zahida Raees :Raji:
asssalmaOalikuM!
behn Raji!
aap kaa be.Had mamnoon hooN keh aap ne mere is naaSiHaanah andaaz ko saraaHaa aur meree HoSlah.afazaa.ee farmaaee-
dostoN ke kaam bhi Hasb-e-ma'mool chal rahay heN to meraa kaam bhi - 
khush rahye
du'aago
yasir