salaamun alaikum
dosto

aik aur tarhi ghazal aapke hawaale kar rahe hai.n.

gar qubool uftad zahe.........

arz kiya hai.......


haami hota hai khuda haq ke parastaaro.n ka
haal behaal hai baatil ke tarafdaaro.n ka

aksariyyat hai siyaasat mei.n daghaabaazo.n ki
haq ada yeh nah kare.nge kabhie haqdaaro.n ka

nah daro cheen lo haq apna har ek ghaasib se
inquilaabi bano mu'nh todh do ghaddaro.n ka

jo munaafiq hai.n qiyaamat mei.n yahi bolay.nge
"koyee pursaa.n nah hua hum se gunahgaaro.n ka"

zulm se ladna hai jab tumko jahaa.n mei.n haamid
khauf kyu.n khaate ho duniya ke sitamgaaro.n ka

nateejaye fikr
haamidbaaqri
al hamdulillah

tahira Masood wrote:Hasb-e-ma'mool bohat hi a'alaa

daad qabuul fermaaiN

wassalam

salaamun alaikum
mohtaramah tahira masood saahebah

aapki purkhuloos daad ke hum behad shukrguzaar hai.n.

jazakallah

mukhlis
haamidbaaqri

WEBMASTER wrote:
MuHtarami
Haamid Baqri SaaHib,

PurkhulooS Tasleemaat,

Aapki ghazal beHad pasand aayi jiske saare ashAar bahut dilkash heiN. Is kaamyaab kaavish per meri dili daad aur mubaarakbaad qubool farmaayiye.

.
Aapka MukhliS,

Nazir.

salaamun alaikum
mohtaram abdullah nazir saahib

aapki musalsal hausalah afzaayee,purkhuloos daad aur mubaarakbaad ke hum behad shukrguzaaar hai.n.

allah(sbhnwt)aap per apni rehmato.n ki baarish kare.aameen

aapka mukhlis
haamidbaaqri