salaamun alaikum
dosto

aapki khidmat mei.n aik aur tarhi ghazal pesh kar rahe hai.n.

gar qubool uftad zahe............

arz kiya hai....

bol baalaa zulm ka hai zor ab baatil ka hai
"kya qiyaamat kheez manzar koochaye qaatil ka hai"

zulm kamzoro.n peh karna unke haq ko cheen'na
yeh bahaadur ka nahi.n hai kaam ek buzdil ka hai

maslako.n ke naam per ladwaana aapas mei.n janaab
kaam ^aalim ka nahi.n yeh kaam tau jaahil ka hai

aik ka'aba aik qiblah ek khuda aur ek kitaab
hum musalmaa.n aik hai.n sab qaul yeh ^aadil ka hai

hum nah bhatke.nge kabhie haamid khuda ki raah se
raahbar ahmed(s.a.w.)hai.n humko dar kahaa.n manzil ka hai

nateejaye fikr
haamidbaaqri
al hamdulillah

farhan wrote:

Haamid Saheb

As salamu aalaikum wa rahmatullahi wa barakatuhu


hameesha ki tarah munfarid mazameeN aap nay is baanday hain...jo layiq-e-sad tehseen hain....mayri jaanib say ek kamiyaab ghazal per dili daad hazir hai....qabool farma kar shukriya ka mouqa eeniyat farmayeeN.

talib-e-dua

farhan

mohtaram farhaan saahib
salaamun alaikum

bahut bahut shukriya aapki purkhuloos daad ka.

salaamat rahe.n

aapka mukhlis
haamidbaaqri

WEBMASTER wrote:
MuHtarami
Haamid Baaqri SaaHib,

PurkhulooS Tasleemaat,

Aapki TaraHi ghazal bahut ziyaadah pasand aayi jiske liye meri dili daad aur mubaarakbaad qubool farmaayiye.


Aapka MukhliS,
Nazir,

mohtaram abdullah nazir saahib
salaamun alaikum

ghazal ko pasand farmaane aur apni mukhlisaanah daad se nawaazne keliye hum aapka tahe dil se shukriya ada karte hai.n.

jazakallah khair

aapka mukhlis
haamidbaaqri

janaab baaqri saheb
aadaab
aap ki tarHi ghazal pasand aai meri janib se daad Haazir hai qubool farmayeN
Husaini

khozema husaini wrote:janaab baaqri saheb
aadaab
aap ki tarHi ghazal pasand aai meri janib se daad Haazir hai qubool farmayeN
Husaini

salaamun alaikum
mohtaram khozema hussaini saahib

bahut baut shukriya aapki mukhlisaanah daad ka.

salaamat rhe.n

aapka mukhlis
haamidbaaqri