salaamun alaikum
dosto

aik adna kaavish aapke hawaale kar rahe hai.n

gar qubool uftad zahe..........

arz kiya hai..........

har aik saans 'ebaadat guzaar guzri hai
baraaye marziye parwardigaar guzri hai

khuda ke fazl se aur panjatan(a.s.)ke sadqe se
yeh 'umre rafta meri shaandaar guzri hai

miyaane shamso qamar yeh zameen mushkil se
na jaane aaj talak kitni baar guzri hai

zamee.n ke maathe pe abtak shikan nahi.n aayee
yeh sabr karti huee baawaqaar guzri hai

kuch humse seekhlo tum tarze bandagi haamid
zamee.n yeh kehti huee baar baar guzri hai

nateejaye fikr
haamidbaaqri
al hamdulillah

MuHtaram
Haamid Baaqri SaaHib,

Tasleemaat,

Aapki yeh ghazal pasand aayi jiske liye daad aur mubaarakbaad qubool farmaayiye.

khair andesh,
Nazir.

Abdullah Nazir wrote:MuHtaram
Haamid Baaqri SaaHib,

Tasleemaat,

Aapki yeh ghazal pasand aayi jiske liye daad aur mubaarakbaad qubool farmaayiye.

khair andesh,
Nazir.

salaamun alaikum
mohtaram abdullah nazir saahib

aapki musalsal hauslah afzaayee,mukhlisaanah daad aur mubarakbaad keliye hum aapke behad mamnoon hai.n

salaamat rahe.n

aapka mukhlis
haamidbaaqri