• "munaafiq' aik taaza nazm aapke hawaalay

Posted: **Mon Jul 24, 2006 6:29 am**

salaamun alaikum
dosto

aik taza nazm hum aapke hawaalay kar rahay hai.n jiska unwaan hai"munaafiq"

umeed hai pasand farmaaye.nge

arz kiya hai...

munaafiq yeh kahe.nge hashr mei.n keh maajera kya hai
hame.n kisne jagaaya neend se aakhir hua kya hai

farishtay bole.nge uttho chalo maidaane mahshar mei.n
sawaal hoga wahaa.n, dunya mei.n tum sab ne kiya kya hai

yeh din woh hai jise har lamha tum jhutlaaya karte thay
tumhaare paas ab bas haath malnay ke siwa kya hai

jahannum ki dahakti aag mei.n jalna hai ab tumko
tumhe m'aaloom hoga aaj qudrat ki saza kya hai

bharausa hota hai jinko khuda per woh nahi.n kehtay
"yahaa.n badla wafa ka bewafaayee ke siwa kya hai"

nifaaq aur shirk se rehkar hamesha door tum haamid
bataado dunya waalo.n ko keh accha aur bura kya hai

nateejaye fikr
haamidbaaqri
al hamdulillah

Posted: **Mon Jul 24, 2006 5:08 pm**

MuHtarami
Haamidi Baaqri SaaHib,

PurkhulooS Tasleemaat,

Aapki nazm Aam Taur per bahut pasand aayi jiske liye meri dili daad aur mubaarakbaad qubool farmaayiye.

Aapka MukhliS,
Nazir.

Posted: **Tue Jul 25, 2006 6:06 am**

WEBMASTER wrote:
MuHtarami
Haamidi Baaqri SaaHib,

PurkhulooS Tasleemaat,

Aapki nazm Aam Taur per bahut pasand aayi jiske liye meri dili daad aur mubaarakbaad qubool farmaayiye.

Aapka MukhliS,
Nazir.

salaamun alaikum
mohtaram abdullah nazir saahib

aapki mukhlisaanah daad aur mubarabaad ke hum behad mamnoono mahskoor hai.n

jazakallah
aapka mukhlis
haamidbaaqri

"munaafiq' aik taaza nazm aapke hawaalay

"munaafiq' aik taaza nazm aapke hawaalay

Bahut khoob

Re: Bahut khoob