• Zarurat kyaa hai------>Shahid Kabir!

Posted: **Mon Jul 31, 2006 1:38 pm**

Aadab

be-sabab baat baRhaane kii zaruurat kyaa hai
ham Khafaa kab the manaane kii zaruurat kyaa hai

aap ke dam se to duniyaa kaa bharam hai qaayam
aap jab haiN to zamaane kii zaruurat kyaa hai

teraa kuuChaa, teraa dar, terii galii kaafii hai
beThikaano ko Thikaane kii zaruurat kyaa hai

dil se milane kii tamannaa hii nahiiN jab dil meiN
haath se haath milaane kii zaruurat kyaa hai

raNg aaNkhoN ke liye buu hai damaaGhoN ke liye
phuul ko haath lagaane kii zaruurat kyaa hai

~ Shahid Kabir ~

Posted: **Sun Aug 06, 2006 7:08 am**

sara_j wrote:wah! Hasan sahib, bohat khoob kalaam share kiya hei.

bohat bohat shukriya qubool keejiye.

Sara jii,

khaaksaar kee pasaNd ko pasaNd farmaane ka bohat shukriyah! :rose