• Lafz par ash'aar #32---muskurahaT/tabassum

Posted: **Wed Sep 20, 2006 12:20 pm**

muskurahaT hai husn kaa zevar
ruup ba.Dhataa hai muskuraayaa karo

Posted: **Wed Sep 20, 2006 2:44 pm**

dekhanevaalo tabassum ko karam mat samajho
unhe.n to dekhanevaalo.n pe ha.Nsii aatii hai

Posted: **Wed Sep 20, 2006 2:50 pm**

yuN muskuraaye jaan si kaliyoN meiN paR gayi
yuN lab kushaa hu'e ke gulistaaN banaa diya
--AsGhar

Posted: **Thu Sep 21, 2006 9:48 am**

laakh hoNton pe muskuraahaT ki kiran raqsaaN ho
dukh to phir dukh hai chehre se numaayaaN hoga

Posted: **Fri Sep 22, 2006 3:23 am**

kaha maine kitna hai gul ka Sibaat
kali ne yeh sun kar tabassum kiya--Meer

Posted: **Fri Sep 22, 2006 8:06 am**

tere andaaz-e-tabassum peh miri jaan nicaar

muNh chupaalete heiN gulshan meiN nadaamat se gulaab.

Shaayer: Abdullah Nazir.

Nazir.

Posted: **Sun Sep 24, 2006 10:52 am**

tqabassum labaoN per nighaahaoN meiN ghuSSah

Ajab Dhang kaa hei yeh aatish-badan bhee.

Shaayer: Abdullah Nazir.

Nazir.

Posted: **Sun Oct 01, 2006 2:00 am**

miree ruuh kii haqiiqat mere aaNsuuoN se puuChho
miraa majalisii tabassum miraa tarjumaaN nahiiN hai

Posted: **Sat Oct 07, 2006 3:55 pm**

"Ghunche tiri zindagi peh dil hiltaa hei
Sirf aek tabassum ke liye khiltaa hei
Ghunche ne kahaa hans ke chaman meiN baabaa
yeh aek tabassum bhee kise miltaa hei."

Shaayer: Joush MaleeHaabaadi

Nazir.

Posted: **Sat Oct 14, 2006 8:49 pm**

niichii aaNkhoN meiN kuChh tabassum saa,
shoKh hai? sharam saar hai? kya hai?

Posted: **Thu Oct 26, 2006 11:58 am**

ik tabassum ne tire jeet lee meri dunyaa

jaane phir kab tiri taSveer nazar aayegi.

Shaayer: Abdullah Nazir.

Nazir.

Posted: **Fri Nov 17, 2006 12:52 pm**

phir aaj aik tabassum pe hosh kho baiThaa
phir aaj ishq ko dekha, fareb khaa hi gayaa!

Posted: **Wed Dec 06, 2006 10:33 am**

dekhane vaalo tabassum ko karam mat samajho
unheN to dekhane vaaaaaaloN pe haNsii aatii hai

Posted: **Wed Dec 13, 2006 2:13 am**

tiri barq-e-tabassum se nasheman mere dil kaa kab salaamat

kabhi faryaad hei lab per kabhi aansoo heiN aankhaoN meiN.

Shaayer: Abdullah Nazir.

Nazir.

Posted: **Thu Dec 21, 2006 8:22 am**

vahii iqraar meiN inkaar ke laakhoN pahaluu
vahii hoNToN pe tabassum vahii abruu pe shikan