Mohtaram Dunya Dehlvi sahib

Aap ki ghazal bohat pasand aayi. Matla'a aur dosra sheir bohat khoob hai.
Daad aur mubarakbaad qubool kijiye.
Shukria
Salem Bashwar

dunya dehlawi wrote:
ahl-e-bazm,

taslimat,

aek mamuli si ghazal lekar hazir houee hoon. Ummid ke apne raye se navazenge.

GHAZAL
======

dil ke zakhmaoN ko ham chupate rahe
zindah rehne ko muskurate rahe

raat din jab wo aazmate rahe
jankar ham fareb khate rahe

ba'd ik umr ke houaa mehsoos
haal-e-dil sang ko sunaate rahe

sadagi ne kaha.n sanbhalne diya
ThoukareN be-hisab khate rahe

Zindagi ham tujhe samajh nah sake
Ret per apna ghar banate rahe

Yaar bashi hamara shewah hei
haath dushman se bhee milate rahe

ham ne kya kuch nahiN kiya :dunya:
Doust ihsaan kiyuN jataate rahe
-------
khairandesh,
dunya.

mukarramee Dunyaa SaaHeb: aadaab!

aap se shaayad aaj pehlee baar niyaaz HaaSil ho rahaa hai. aap kee Ghazal saadah Khayaalaat ke saadah bayaan kaa achhaa muraqqa' hai. Ghazal pasand aayee. KhaaS t^aur se yeh she'r achhaa lagaa:

Zindagi ham tujhe samajh nah sake
Ret per apna ghar banate rahe

lekin is she'r meN :saNg: bhalaa naheeN lag rahaa hai. kuch aur socheN to behtar ho gaa:

ba'd ik umr ke houaa mehsoos
haal-e-dil sang ko sunaate rahe

majmoo,e'e t^aur se achhee kaawish hai. mubaarakbaad!

Sarwar A. Raz "Sarwar"