Masha Allah Mohtaram Saaf suthhri aur aapki murass'aa ghazal padhkarr khushi huvi. Allah aapko sada khush rakhe. Hyderabad aaya huN. Chand din aur qiyaam hai. Jeddah pahunch kar mulaaqaat karoonga. Dua e khair ka taalib.
Najeeb

[align=center]moHtaram Abdullah Nazir SaHib aadaab!

Yeh dekh~ kar jee baRa khush ho raha hai keh aek maah meN Ghaleba" yeh aap ke teesaree Ya choth~ee she'eree koshish hai. aor bafaZ^-e-khuda t^abiYat khoob Z^orooN peh hai.

aor idh~ar apna Haal bh~ee aap se kuch~ mukhtalif naheeN. khaaksaar ne bh~ee lag bh~ag itnee hee GhazleeN keh deeN haiN. lekin rujHaan-e-t^aba' hai. keh kuch~ soojh~ta naheeN. bas dil kehta hai kehte jao....khaer pich~la maheenah to is aa'tabaar se kafee garam raha aor ab lagta hai keh mah-e-rawaaN bh~ee mashq-e-sukhan kee hee nar ho jae ga. shukr hai hamara mua'amlah Mirza Ghalib wala naheeN.

"fikr-e-dunya meN sar kh~apata hooN
maiN kahaaN aor yeh wabaal kahaaN"

main samajh~ta hooN keh fikr-e-sukhan fikr-e-dunYa wa ma fee ha se behtar hai.
aap kee tazah Ghazal kisee ta'areef-o-taoSeef kee moHtaaj naheeN. lekin agar itna keh kar aage chal paReeN to yaqeena" yeh shae'ir aor kalam-e-shae'ir se na inSaafee ho gee.

aap ke kalam par kuch~ kehna meree dastaras meN hargiz naheeN hai. aor nah hee meree i'lmee ista'adaad is bat kee ijazat detee hai. maiN samajh~ta hooN. keh kisee bh~ee maher-e-fan ke fannee shahkarooN Ya adabee fanpaarooN par qalamm uTh~ane se pehle naqqaad apnee i'lmee aor qalamee t^aqatooN ko qabl az teHreer khud hee aazma le.

meree U'mr aor tajribah hameshah hee is rah meN deewar ban kar kh~aRa ho jata hai. ba eeN hamah maiN har mumkin koshish ke baa'd akhir-e-khaar woh rah nikaal hee leta hooN jis par chal kar maiN iz^haar-e-rae'Y kee Surat peda kar looN. aor dil kee kaefiyat aor mudda'a bayan kar paoN.

aap kee GhazleeYat par bila shubah aane wale naqqaad Z^aroor likh~eeN ge. maiN khat^ kee t^uwalat ko khat^ir nasheen rakh~te huwe mazeed yeh kehna chahooN ga. keh aap ne aesee dilkash GhazaliYaat takhleeq kar ke aane walee nasal ke kiYe aek adab ka aesa qaSr-e-falak baos ta'meer kar diYa hai. jis ka har gunbad apnee banawaT, aor fan ta'meer ke waste apnee micaal ap hai. aor Yahee maharat-e-fan ka ma'ayar bh~ee hai.


Junoon-e-ishq meiN dil ko koii malaal nahiN
Shikan jabeeN peh nahiN lab peh ArZ-e-Haal nahiN



Yeh kehke us ne miri zindagi badal Daali
Keh rasm o raah-e-muHabbat meiN iAtidaal nahiN



usi ke haath meiN hei Dour apni qismat kee
kamaal uskaa hei, meHkoom baakamaal nahiN



tire karam ke taSadduq tiri Ataa peh nicaar
miri zabaan peh yaarab koii sawaal nahiN



hamaare daur meiN inSaaf hougayaa unqaa
andheri raat meiN sooraj kaa iHtimaal nahiN



taZaad-e-fikr o nazar meiN bhee kam nahiN ulfat
wo kyaa nigaah jo shaidaayi-e-jamaal nahiN



wo aaftaab hei yaa maahtaab yaa tum hou
btaou kaun hei jisko kabhee zavaal nahiN



ishaare karte hou baalaay-e-baam aa aa kar
khud apni pardah-daree kaa tumheN khayaal nahiN



guzar bhee jaayiye is imtiHaan se :Nazir:
bajaa ke SaAb hei jeenaa magar muHaal nahiN



meree janib se is seHerangez Ghazal par dilee dad aor mubarak baad qubol kijiYe!

Wassalam
dua'a gao!

Muz^affar[/align]

Sir,

Iss meiN koi shak naheeN ke na hi mujhe shaaAeri ki kuch aisi samajh hai aor na hi mieN alfaaz ka koi aisaa achha khilaaRi ke aap ki ghazal par raa-aye zani kar sakhooN. laikin aik baat bohat eemandari se kahooN ga. Mosiqi oar shAeri, kam az kam maire leeaye, ais cheezaiN haiN jo damagh ki samajh meiN aa-aiN ya na aa-aiN, agar achhi hoaN to dil par zaroor asar karti haiN. aor dil par asar karti hoee lay, ya shaAeri meiN jub koi baat samajh bhi aa-ja-aye to mazaa do baalaa ho jaataa hai. aap ki iss khoobsoorat ghazal ka aik shaAer bhi dil o damagh par asar kar gayaa hai. ubb shaid haftoaN tak meiN iss ke lutf se baahir na aa sakhooN ga,

Yeh kehke us ne miri zindagi badal Daali
Keh rasm o raah-e-muHabbat meiN iAtidaal nahiN

Mairi taraf se aisi shaandar ghazal par mubaarikbaad kabool keejiaye.

aap ke leeaye dua gao,
Muhammad Khawar.