https://urdubandhan.com/

Guz.25 per meri ghazal - -- - Abdullah Nazir.

https://urdubandhan.com/viewtopic.php?t=4095

Page 1 of 1

Guz.25 per meri ghazal - -- - Abdullah Nazir.

Posted: Thu Jan 11, 2007 1:11 pm
by Abdullah Nazir

MuHtaramaat o MuHtarameen
arbaab-e-meHfil aur aHbaab-e-sukhan,
- -- -
PurkhulooS, Tasleemaat, :rose

Apni beintihaa maSroofiyat ke bawajood, TarHi ghazal kehne meiN kaamyaab housakaa jo pesh-e-khidmat hei. Ummeed ke apni giraaNqadr aaraa se navaazkar mujhe shukriyah adaa karne kaa mauqaA denge.

GHAZAL roman meiN,

jee jalaati hei tiri junbish-e-mizhgaaN kyaa kyaa
mere seene meiN utar jaate heiN paikaaN kyaa kyaa

ham peh chaltaa nahiN jab naaz o adaa kaa jaadoo
joush khaate heiN tire gaisu-e-pechaaN kyaa kyaa

daar-e-faani meiN nahiN hei havas-e-jaah o Hasham
warnah aaraam se jeene ke heiN imkaaN kya kyaa

kunj-e-tanhaayi meiN routaa rahaa chupke chupke
chaak dar chaak houe jaib o girebaaN kyaa kyaa

dasht-e-ghurbat meiN kise yaad hei Ahd-e-raftah
apne dil meiN bhee khuda jaane thay armaaN kyaa kyaa

aayeenah-khaanah-e-hasti hei ghubaar aaloodah
apni Soorat bhee hameN karti hei HairaaN kyaa kyaa

beniyaazi se guzar jaate heiN ham khaak basar
maah o anjum heiN lab-e-baam pashemaaN kya kyaa

jism hei, jaan hei, sab kuch hei, kami koyee nahiN
"mere Allah ne mujh per kiye iHsaaN kyaa kyaa"

raah-e-ulfat meiN bahar-gaam taAab hei :Nazir:
apnaa sheerazah-e-hasti hei pareshaaN kyaa kyaa.
=======


Aapka MukhliS,
Nazir.

Posted: Sat Jan 13, 2007 12:14 am
by Muzaffar Ahmad Muzaffar
moHtaram Abdullah Nazir SaHib aadaab-o-tasleemat! :rose

Guzarish 25 ke liYe aap kee Ghazal dekh~ kar yeh eHsaas paeda huwa aor maiN der talak isee kheyaal meN Ghalt^aaN raha keh beHr-e-she'er-o-adab kee koee Had bh~ee hai? Ya'nee agar bat she'er kehne kee Had tak hotee to samajh~ne meN mujh~e mushkil nah pesh aatee. keh woh to aek duniYa kehtee hai. lekin aSal baat hai. ma'nee aafreenee, pukhtah kheyalee, faSaHat, balaGhat, aor ada bandee waGhaerah jo kam SaHibaan-e-qalam ke HiSSah meN hee aatee hai. is Ghazal ko dekh~ne se yeh andazah lagana aasaan ho jata hai. keh qudrat ne aap ko in tamaam SalaHiYatooN se malamaal kar rkh~a hai.

dekh~a jae to mat^la'e se hee Ghazal kee Hararat aor shiddat ka indazah ho raha hai. gaoYa mat^la' apne pekar meN aek shu'lah hai. jo shae'ir kee dakhlee aor qalabee kaefiyat aor jigar kee Hiddat se jawwalah ban kar Hareem-e-Ghazal ke kone kone ko garma raha hai.


aesee zameenooN ka intekhaab aor ph~ir is maharat-e-fan se pe dar pe she'er kehte jana ustadanah SalaHiYatooN ka shiddat se muttaqZ^ee hota hai. aap ne khubee-e-qalam se is sanglaakh zameen meN Hasb-e-sabaq-o-a'adat naooN(9) a'dad she'er keh kar qalam TaoR diYa hai.


jee jalaati hei tiri junbish-e-mizhgaaN kyaa kyaa
mere seene meiN utar jaate heiN paikaaN kyaa kyaa

bohot khoob! waah! waah! kiya kehne!! lajawaab mat^la' hai.waah! :clap01:

ham peh chaltaa nahiN jab naaz o adaa kaa jaadoo
joush khaate heiN tire gaisu-e-pechaaN kyaa kyaa

bohot khoob! waah! waah! kiYa kehne! :clap01:

daar-e-faani meiN nahiN hei havas-e-jaah o Hasham
warnah aaraam se jeene ke heiN imkaaN kya kyaa

kiYa kehne! waah! waah! :clap01:

kunj-e-tanhaayi meiN routaa rahaa chupke chupke
chaak dar chaak houe jaib o girebaaN kyaa kyaa

bohot khoob!! waah! :clap01:

dasht-e-ghurbat meiN kise yaad hei Ahd-e-raftah
apne dil meiN bhee khuda jaane thay armaaN kyaa kyaa

kiYa kehne! waah! waah! :clap01:

aayeenah-khaanah-e-hasti hei ghubaar aaloodah
apni Soorat bhee hameN karti hei HairaaN kyaa kyaa

waah! waah! kiYa kehne!! :clap01:

beniyaazi se guzar jaate heiN ham khaak basar
maah o anjum heiN lab-e-baam pashemaaN kya kyaa

waah! waah! :clap01:

jism hei, jaan hei, sab kuch hei, kami koyee nahiN
"mere Allah ne mujh per kiye iHsaaN kyaa kyaa"

kiYa kehne!! :clap01:

raah-e-ulfat meiN bahar-gaam taAab hei :Nazir:
apnaa sheerazah-e-hasti hei pareshaaN kyaa kyaa.

bohot khoob!! waah! :clap01:

is HaseeN aor dilfareb Ghazal par meree dilee dad aor mubarak baad qubool kiji.

Wassalam

dua'a gao!

Muz^affar

Re: Guz.25 per meri ghazal - -- - Abdullah Nazir.

Posted: Sat Jan 13, 2007 10:39 am
by haamidbaaqri
WEBMASTER wrote:
MuHtaramaat o MuHtarameen
arbaab-e-meHfil aur aHbaab-e-sukhan,
- -- -
PurkhulooS, Tasleemaat, :rose

Apni beintihaa maSroofiyat ke bawajood, TarHi ghazal kehne meiN kaamyaab housakaa jo pesh-e-khidmat hei. Ummeed ke apni giraaNqadr aaraa se navaazkar mujhe shukriyah adaa karne kaa mauqaA denge.

GHAZAL roman meiN,

jee jalaati hei tiri junbish-e-mizhgaaN kyaa kyaa
mere seene meiN utar jaate heiN paikaaN kyaa kyaa

ham peh chaltaa nahiN jab naaz o adaa kaa jaadoo
joush khaate heiN tire gaisu-e-pechaaN kyaa kyaa

daar-e-faani meiN nahiN hei havas-e-jaah o Hasham
warnah aaraam se jeene ke heiN imkaaN kya kyaa

kunj-e-tanhaayi meiN routaa rahaa chupke chupke
chaak dar chaak houe jaib o girebaaN kyaa kyaa

dasht-e-ghurbat meiN kise yaad hei Ahd-e-raftah
apne dil meiN bhee khuda jaane thay armaaN kyaa kyaa

aayeenah-khaanah-e-hasti hei ghubaar aaloodah
apni Soorat bhee hameN karti hei HairaaN kyaa kyaa

beniyaazi se guzar jaate heiN ham khaak basar
maah o anjum heiN lab-e-baam pashemaaN kya kyaa

jism hei, jaan hei, sab kuch hei, kami koyee nahiN
"mere Allah ne mujh per kiye iHsaaN kyaa kyaa"

raah-e-ulfat meiN bahar-gaam taAab hei :Nazir:
apnaa sheerazah-e-hasti hei pareshaaN kyaa kyaa.
=======


Aapka MukhliS,
Nazir.
mohtaram abdullah nazir saahib
:salaam2:

aapki ustadaanah takhleekh nazar nawaaz huee.

bahut 'umdah hai yeh ghazal.

mohtaram muzaffar bhai kee daad kay baad hum yeh sauch rahay hai.n keh hum kin lafzo.n aapko daad de.n.

itna hi kahe.nge keh allah(sbhnwt)karay zoray qalam aur ziyaadah.

is naacheez ki dilee daad qubool farmaaye.n. :clap01: :rose
mukhlis
haamidbaaqri

Bahut bahut shukriyah

Posted: Fri Jan 19, 2007 4:21 am
by Abdullah Nazir


MuHtarami
Muzaffar Ahmad Muzaffar SaaHib,

PurkhulooS Tasleemaat, :-)

Zarrah navaazi hei ke aap ne hameshah kee TaraH khaaksaar kee dil khoulkar HauSalah-afzaayi farmaayi. Aapkaa jisqadar bhee shukriyah adaa kiyaa jaaye kam hei.

MushaaAire he zumreh meiN aap ke ihtimaam se mushtarikeen kee dilchuspi baRhgayee hei. Kalaam-e-sukhanwar meiN bhee aap ne kuch kam HiSSah nahiN liyaa hei phir bhee Taweel tabSiraoN ke saath, ummeed hei keh mukhtaSar tabSre bhee farmaayaa kareN taakeh shoAaraa aur shaayeraat kee himmat afzaayi hou. Shukriyah.


Aapka MukhliS,
Nazir.

Posted: Sun Jan 21, 2007 9:06 pm
by Muzaffar Ahmad Muzaffar
moHtaram Abdullah Nazir SaHib aadaab!
MushaaAire he zumreh meiN aap ke ihtimaam se mushtarikeen kee dilchuspi baRhgayee hei. Kalaam-e-sukhanwar meiN bhee aap ne kuch kam HiSSah nahiN liyaa hei phir bhee Taweel tabSiraoN ke saath, ummeed hei keh mukhtaSar tabSre bhee farmaayaa kareN taakeh shoAaraa aur shaayeraat kee himmat afzaayi hou. Shukriyah.
jee behtar! jaesa aap Hukm deeN.

Wassalam
Muz^affar

Posted: Wed Jan 24, 2007 6:19 am
by zmufti
daar-e-faani meiN nahiN hei havas-e-jaah o Hasham
warnah aaraam se jeene ke heiN imkaaN kya kyaa

kunj-e-tanhaayi meiN routaa rahaa chupke chupke
chaak dar chaak houe jaib o girebaaN kyaa kyaa

dasht-e-ghurbat meiN kise yaad hei Ahd-e-raftah
apne dil meiN bhee khuda jaane thay armaaN kyaa kyaa

aayeenah-khaanah-e-hasti hei ghubaar aaloodah
apni Soorat bhee hameN karti hei HairaaN kyaa kyaa

beniyaazi se guzar jaate heiN ham khaak basar
maah o anjum heiN lab-e-baam pashemaaN kya kyaa
Mohtaram Nazir saheb
Tasleemaat
aap ki ghazal ka har ik sher anmol hai
darj karda ashaar ke liye khasoosi daad qabool kijye
wasalaam
zmufti
All times are UTC
Page 1 of 1

Powered by phpBB® Forum Software © phpBB Limited