Shafeeq wrote:

Jo meray qalb-o-jan meN makeen hai
Wohi mera khuda ,mera ameen hai

Jahan par tu hai who khuld-e-bareen hai
Bashar ke waaste sab kuch waheen hai

Gunahgaar-e-falak jab khud zameen hai
To phir kyon aasman hi sharmgeen hai

Kahan hain wirsa-o-tehzeeb qadren
Hai kuchh to zan,ya zar,ya phir zameen hai

Tiri khamdaar woh zulf-e-muambar
Siyah hokar jo rashk-e-ambareen hai

Na baal-o-par na dast-o-pa salaamat
Tadapti reh gayee jaan-e-hazeen hai

Falak par chand taare sochte hain
Shafeeq apna zameen par to naheen hai


waaaaaaaaaah

shafeeq Saheb tuaurdu bandhan forum per haiN

shafeeq Saheb es forum per khush aamdeed

ghazal k maZameen bohaaaaaaaaat Haseen haiN
daad Hazir hai janaab

ummeed hai keh aayndah bhee es meHfil meN shamil hote rehieN ge

ahlan wa sahlan wa merHabaa!

wassalaam[/color]