• sang hawa ke khel rachana bhool gaye

Posted: **Thu Jan 25, 2007 7:08 am**

Azeezan-e-Urdu Bandhan
Adaab

Taaza ghazal ke saath haazir hua hooN, aap ke aaraa ka shiddat se intizaar rahay ga, umeed hay apni besh qeemat raaye se zaroor nawazaiN ge.

Mukhlis,
Muhammad Ahmed

GHAZAL

sang hawa ke khel rachana bhool gaye
sham Dhali to deep jalana bhool gaye

dil aaNgan maiN dhoop GhamoN ki kya pheli
jugnu aaNkhoN maiN muskaana bhool gaye

ta’abeeroN ki ta’azeeroN ka khof raha
wo samjhay hum khwaab sunana bhool gaye

sadiyaaN jaisay lamHoN maiN aa Thehri hoN
lamHe jaisay aana jaana bhool gaye

lafzoN ko mafhoom badalna yaad naheeN
rang dhanak ki qous sajaana bhool gaye

jab qeHt-e-ajnaas Tala eHsaas hua
basti walay phool ugaana bhool gaye

siski siski hoNtoN ko muskaan kia
palkoN palkoN baaR lagaana bhool gaye

tez hawa ko khaak uRaana yaad raha
badal kyoN baarish barsaana bhool gaye

be-sabri yaadeN raste maiN aan mileeN
hum deevaane ghar bhi jaana bhool gaye

baad-e-saba ne aur dareechay dekh liay
hum bhii :Ahmed: geet suhaana bhool gaye

Muhammad Ahmed
Wednesday, January 24, 2007

Posted: **Fri Feb 23, 2007 3:51 pm**

moHtaram M AHmad SaHib aadaab!

mashAllah bohot u'mdah Ghazal se meHfil ko sajaya hai. neya andaaz bohot dilkash hai. sabh~ee asha'aar aap ke zaoq aor fannee SalaHiyatooN ke aae,inah daar haiN.

sang hawa ke khel rachana bhool gaye
sham Dhali to deep jalana bhool gaye

dil aaNgan maiN dhoop GhamoN ki kya pheli
jugnu aaNkhoN maiN muskaana bhool gaye

ta’abeeroN ki ta’azeeroN ka khof raha
wo samjhay hum khwaab sunana bhool gaye

sadiyaaN jaisay lamHoN maiN aa Thehri hoN
lamHe jaisay aana jaana bhool gaye

lafzoN ko mafhoom badalna yaad naheeN
rang dhanak ki qous sajaana bhool gaye

jab qeHt-e-ajnaas Tala eHsaas hua
basti walay phool ugaana bhool gaye

siski siski hoNtoN ko muskaan kia
palkoN palkoN baaR lagaana bhool gaye

tez hawa ko khaak uRaana yaad raha
badal kyoN baarish barsaana bhool gaye

be-sabri yaadeN raste maiN aan mileeN
hum deevaane ghar bhi jaana bhool gaye

baad-e-saba ne aur dareechay dekh liay
hum bhii :Ahmed: geet suhaana bhool gaye

is kamyaab aor dilfareb koshish par meree dilee dad aor mubarak baad qubool kijiYe!

Wassalam
Muz^affar

Posted: **Sat Feb 24, 2007 5:14 pm**

Mohtarami Ahmed Sahib,

Aapki ghazal har sheir bohat pasand ayaa.
Daad aur mubarakbaad qubool kijiye.
Shukria
Salem Bashwar