• roz-o-shab rulaaYe gee aap kee kamee kab tak?

Posted: **Tue Feb 06, 2007 6:40 am**

yaaraan-e-meHfil: aadaab a'rZ^ hai!

UrduDuniya ke t^araHee mushaa,i'rah #20 ke liYe miSra' thaa:

dard-e-bekasee kab tak, ranj-e-a'ashiqee kab tak?

is t^araH meN apnee Ghazal pesh kar rahaa hooN. sach poochhiYe to isee mushaa,i'reh ke bahaane maiN bhee kuchh keh letaa hooN warnah shaa,i'ree aaj kal bohat kam ho rahee hai!

aap kee raaYe aur tabSiroN kaa intiz^aar rahe gaa. shukriyah!

Sarwar A. Raz "Sarwar"
=============================
GHAZAL:

roz-o-shab rulaaYe gee aap kee kamee kab tak?
:dard-e-bekasee kab tak? ranj-e-a'ashiqee kab tak?

"Sarwar"-e-pareshaaN se aisee dil-lagee kab tak?
be-ruKhee ke parde meN naaz-o-dilbaree kab tak?

daaGh-e-naarasaayee kyoN, zaKhm-e-kajrawee kab tak?
SubH nauHah-KhwaaN ho gee shaam-e-yaas kee kab tak?

kyoN nah ham bhee dikhlaaYeN daaGh-haaYe shaam-e-Gham?
meHshar-e-muHabbat meN yeh rawaa-rawee kab tak?

ab to apnee Soorat bhee ajnabee see lagtee hai
de gee yooN fareb aaKhir meree zindagee kab tak?

SubH-o-shaam shikwah hai, roz-o-shab kaa ronaa hai
is t^araH nibhaa,o ge ham se dostee kab tak?

raah-e-maikadah yaa Rab! har qadam peh khoTee hai
karb-e-tishnagee kab tak? jaam yeh tehee kab tak?

maiN shikaar-e-naumeedee, too wafaa se begaanah
dekhiYe rahe apnee zeest ajnabee kab tak!

ho chukeeN bohat baateN, soch to Zaraa "Sarwar"
manzil-e-muHabbat meN Sirf shaa,i'ree kab tak?
--------------------------
Sarwar A. Raz "Sarwar"

Posted: **Thu Feb 08, 2007 11:21 pm**

moHtaram Sarwar A'alam Raz Sarwar SaHib aadab! :rose

urduduniya ke mahanah mushae,irah ke liye aap ke asha'aar dekh~ne kee taofeeq milee. kiya kehne baRe dilkash aor dilaawez asha'aar se aap ne raonaq-e-mushae,irah ko baRh~aya hai.

sabh~ee she'er Saaf, salees, aor mazaaq-e-jumhoor ke aen mut^abiq haiN. aesee zaminooN meN u'muma" imkaan-e-tawarud baRh~ jata hai. miSra' do HiSSooN meN baT huwa hota hai. macala":dard-e-be kasee kab tak: aor isee t^arH :ranj-e-a'ashaqee kab tak: aor yooN she'er kehne meN mushkil pesh aatee hai. lekin aap ne baRee maharat se is zameen ka Haq ada kiya hai.

roz-o-shab rulaaYe gee aap kee kamee kab tak?
:dard-e-bekasee kab tak? ranj-e-a'ashiqee kab tak?

bohot khoob, waah

"Sarwar"-e-pareshaaN se aisee dil-lagee kab tak?
be-ruKhee ke parde meN naaz-o-dilbaree kab tak?

kiya kehne, waah, waah

daaGh-e-naarasaayee kyoN, zaKhm-e-kajrawee kab tak?
SubH nauHah-KhwaaN ho gee shaam-e-yaas kee kab tak?

bohot khoob,waah, waah,

kyoN nah ham bhee dikhlaaYeN daaGh-haaYe shaam-e-Gham?
meHshar-e-muHabbat meN yeh rawaa-rawee kab tak?

kiya kehne, waah,waah,

ab to apnee Soorat bhee ajnabee see lagtee hai
de gee yooN fareb aaKhir meree zindagee kab tak?

kiya kehne, waah, waah,

SubH-o-shaam shikwah hai, roz-o-shab kaa ronaa hai
is t^araH nibhaa,o ge ham se dostee kab tak?

waah,waah,bohot khoob

raah-e-maikadah yaa Rab! har qadam peh khoTee hai
karb-e-tishnagee kab tak? jaam yeh tehee kab tak?

kiya kehne,

maiN shikaar-e-naumeedee, too wafaa se begaanah
dekhiYe rahe apnee zeest ajnabee kab tak!

bohot khoob, waah,

ho chukeeN bohat baateN, soch to Zaraa "Sarwar"
manzil-e-muHabbat meN Sirf shaa,i'ree kab tak?

kiya kehne Sarwar SaHib, waah,

is HaseeN aor dil meN utar jane wale asha'aar par jitnee bh~ee dad pesh kee jae kam hai. khush raheeN.

"Allah kare Z^aor-e-qalam aor ziyadah"

is dua'a ke ba'd ijazut chahooN ga.

Wassalam
Muz^affar

Posted: **Fri Feb 09, 2007 4:03 pm**

Sarwar Raz wrote:yaaraan-e-meHfil: aadaab a'rZ^ hai!

UrduDuniya ke t^araHee mushaa,i'rah #20 ke liYe miSra' thaa:

dard-e-bekasee kab tak, ranj-e-a'ashiqee kab tak?

is t^araH meN apnee Ghazal pesh kar rahaa hooN. sach poochhiYe to isee mushaa,i'reh ke bahaane maiN bhee kuchh keh letaa hooN warnah shaa,i'ree aaj kal bohat kam ho rahee hai!

aap kee raaYe aur tabSiroN kaa intiz^aar rahe gaa. shukriyah!

Sarwar A. Raz "Sarwar"
=============================
GHAZAL:

roz-o-shab rulaaYe gee aap kee kamee kab tak?
:dard-e-bekasee kab tak? ranj-e-a'ashiqee kab tak?

"Sarwar"-e-pareshaaN se aisee dil-lagee kab tak?
be-ruKhee ke parde meN naaz-o-dilbaree kab tak?

daaGh-e-naarasaayee kyoN, zaKhm-e-kajrawee kab tak?
SubH nauHah-KhwaaN ho gee shaam-e-yaas kee kab tak?

kyoN nah ham bhee dikhlaaYeN daaGh-haaYe shaam-e-Gham?
meHshar-e-muHabbat meN yeh rawaa-rawee kab tak?

ab to apnee Soorat bhee ajnabee see lagtee hai
de gee yooN fareb aaKhir meree zindagee kab tak?

SubH-o-shaam shikwah hai, roz-o-shab kaa ronaa hai
is t^araH nibhaa,o ge ham se dostee kab tak?

raah-e-maikadah yaa Rab! har qadam peh khoTee hai
karb-e-tishnagee kab tak? jaam yeh tehee kab tak?

maiN shikaar-e-naumeedee, too wafaa se begaanah
dekhiYe rahe apnee zeest ajnabee kab tak!

ho chukeeN bohat baateN, soch to Zaraa "Sarwar"
manzil-e-muHabbat meN Sirf shaa,i'ree kab tak?
--------------------------
Sarwar A. Raz "Sarwar"

mohtaram sarwar A raz saahib

aapki ustaadaanah takhleeq nazar nawaaz huee.

masha allah har sher apni micaal aap hai.

khaaskar maqt'a hame.n bahut pasand aaya.

is behtareen kaavish per hamaari dilee daad qubool farmaaye.n. :rose :rose :rose

allah(sbhnwt)karay zoray qalam aur ziyaadah

mukhlis
haamidbaaqri

roz-o-shab rulaaYe gee aap kee kamee kab tak?

roz-o-shab rulaaYe gee aap kee kamee kab tak?

Re: roz-o-shab rulaaYe gee aap kee kamee kab tak?