• pyaar byopaar hay , byopaaree heN log

Posted: **Tue Feb 13, 2007 11:12 am**

garcheh jarnail peh bhaaree heN log
qaail-e-giryah-o-zaaree heN log

haath par haath dharay baiThay heN
kis qadar khoogar-e-baikaaree heN log

ishq ne jaan jo maaNgee ,chup heN
Haif ! iqraaree nah inkaaree heN log

Husn neelaam huwaa hay sar-e-'aam
pyaar byopaar hay, byopaaree heN log

hay faqat' sood-o-ziyaaN paish-e-naZ'ar
kyooN nah bolooN meN keh baazaaree heN log

ham ko bhi chaah kisee kee hay, keh bas
ik tamaashah hay madaaree heN log

saaree tahzeeb to taSneef meN hay
laiken akhlaaq se 'aaree heN log

ham saNwar jaatay nah sudhray afsos
kartay kyaa! zahn peh t'aaree heN log

"shaah" jee sham'-e-sukhan gul kar deN
chaRhtay sooraj ke pujaaree heN log

Posted: **Wed Feb 14, 2007 4:55 pm**

moHtaram Yasir Shah SaHib aadaab!

aek muddat ba'd aap kee janib se Ghazal kee numaae,ish kee gaee hai. mashAllah bohot achch~ee koshish hai. sabh~ee asha'aar pasand aae haiN.

garcheh jarnail peh bhaaree heN log
qaail-e-giryah-o-zaaree heN log

haath par haath dharay baiThay heN
kis qadar khoogar-e-baikaaree heN log

ishq ne jaan jo maaNgee ,chup heN
Haif ! iqraaree nah inkaaree heN log

Husn neelaam huwaa hay sar-e-'aam
pyaar byopaar hay, byopaaree heN log

hay faqat' sood-o-ziyaaN paish-e-naZ'ar
kyooN nah bolooN meN keh baazaaree heN log

ham ko bhi chaah kisee kee hay, keh bas
ik tamaashah hay madaaree heN log

saaree tahzeeb to taSneef meN hay
laiken akhlaaq se 'aaree heN log

ham saNwar jaatay nah sudhray afsos
kartay kyaa! zahn peh t'aaree heN log

"shaah" jee sham'-e-sukhan gul kar deN
chaRhtay sooraj ke pujaaree heN log

meree t^araf se dilee dad aor mubarak baad qubool kijiYe!
khush raheeN.

Wassalam
Muz^affar

Posted: **Thu Feb 22, 2007 10:42 am**

muHtaram Muzaffar saaHib
aur bahan Sara

assalamOa'laikum !

Ghazal meN aap ki dilchaspee mere waast'ay qaabil-e-fakhar hay ,, umeed hay aap se aindah bhi sharaf-e-hamkalaamee HaaSil rahay gaa -

khush rahye
du'aago
yasir

Posted: **Thu Feb 22, 2007 10:43 am**

muHtaram Muzaffar saaHib
aur bahan Sara

assalamOa'laikum !

Ghazal meN aap ki dilchaspee mere waast'ay qaabil-e-fakhar hay ,, umeed hay aap se aindah bhi sharaf-e-hamkalaamee HaaSil rahay gaa -

khush rahye
du'aago
yasir