musalsal jau maaN kay qadam dekhtay haiN
woh aankhoN say apni iram dekhtay haiN

mudabbir,mufakkir,muhaqqiq,mu'allim
khuda ko,khuda ki qasam dekhtay haiN

muhammad_19k wrote:JANAB HAAMID BAAQRI SAHEB,


mohtaram mohammed khawar saahib


dua-oaN ki darkhaast ke saath aik baar phir Haazir ho gayaa hooN.

allah(sbhnwt)aapko hamesha salaamat rakkhe.aameen

kahiaye kaise mizaaj haiN. aor zindigi kaisi chal rahi hai?

al hamdulillah

maiN kahaaN duniya kamaana chaahta hooN
zindagaani jaavedaanah chaahta hooN

imtihaanay ishqay daawar hauraha hai
gham meiN bhi maiN muskuraana chaahta hooN

badla ek nekee ka haamid das milegaa
nekiyoN kay ghar banaana chaahta hooN

ab baar baar aap ke kalaam ki khaSosiat ka kia zikr karooN. apne jazabaat kayee baar gosh guzaar kara chukaa hooN. haaN aap ki lambi omar ki, aap ki SeHat ki aor aap par Allah taalaa ke karam ki dua to baar baar ki jaa sakti hai.

zahay naseeb..........jazakallah


Allataa taalaa aap par apni naimatoaN aor rehmatoaN ki baarish karay.

aameen yaa rabbil aalameen.....jazakallah

leejiaye zaabtay ki kaarwai kiaye daitaa haooN.

zahay naseeb.....

musalsal jau maaN kay qadam dekhtay haiN
woh aankhoN say apni iram dekhtay haiN

bohat khoob.

bahut bahut shukriya........


aap theek farmateiN haiN ke maaN ke qadmoaN meiN janat hai. laikin ham jaisoN ko bhaalaa kub nazar aati hai. aap hi is sh'er se baap ke mataullaq bhi aik aisaa hi khyaal mazoo ho gyaa hai.

irshaad.......

jabeeN baap ki jub bhi ham daikhtay haiN.
shabeeh e haram se kia kam daikhtay haiN

waah waah bahut khoob.................

agar mujhe makhmal meiN taat ke pawind ka dar na hotaa to aap se ye sher bhi ghazal meiN daalne ki darkhaast kartaa.

kaisee baateN kar rahay haiN aap.....hum khud tiflay maktab haiN.aapnay bahut accha sher kaha hai...yeh aapki takhleeq hai......aapka haq hai......masha allah bahut accha kehtay haiN aap.........aapki ghazal ka hameN intezaar rahaygaa.insha allah

mudabbir,mufakkir,muhaqqiq,mu'allim
khuda ko,khuda ki qasam dekhtay haiN

bohat khoob. laajwaab khyaal baandhaa hai aap ne.

bahut bahut shukriya.

bohat kam ilm hooN.

baa 'amal aalim yahi kehtay haiN.

aor nehayat adab se kehtaa hooN ke pehlay miSra meiN mufakkir aor muhaqqiq ke alfaaz qaabil e ghor haiN.

jee ...kistarah........?

agar in ko aam mai'noaN meiN leeyae jaa-aye jin meiN ye istemaal hotay haiN to bhalaa Khudaa maffakir kaise huwaa? bhalaa woh kiss bat par tafakkur karay? woh to kun kehtaa hai toa fayaakon ho jaataa hai.

bay shak...........

aor woh kiss baat ki teHqeeq karay? teHqeeq to woh kartaa hai jiss ne kissi nateeja par pohanchanaa ho ya jiss ki kissi shay meiN shak ho.

jee....bilkul sahi keh rahay haiN aap.

mujhe yaqeen hai ke aap ke ne ye kuch soch samajh kar hi istemaal kiaye hoaN ge. laikin chooNke baat Allah taalaa ki hai to kia haraj hai ke muHtaar rahaa jaa-aye uss ke bay-shumaar siffati naam haiN jo issi wazn par haiN aor iss jataa istemaal kiaye jaa saktay haiN. jaise ke muqaddas, mutahhar, maghnni waghairaa waghairaa.

janaab........hamaari muraad.......mudabbir insaan,mufakkir insaan,muhaqqiq insaan,muallim insaan hi khuda ko dil ki nazar say dekhtay haiN.


nigaahoN say dil ki nazar aaye maalik
nazar say faqat hum sanam dekhtay haiN

ahaa haa. bohat khoob! bohat hi khoob.

bahut bahut shukriya.....

yahaaN bhi khuda hai,wahaaN bhi khuda hai
"nah tum dekhtay ho,nah hum dekhtay haiN"

waah. waah wa. meiN giraah par iss taraH ke kissi mazmooN par sochtaa hi reh gayaa laikin kuch na ban payaa. bohat khoob.

bahut bahut shukriya ....

khuda ki nazar meiN gunahgaar haiN woh
jo chupchaap zulmo sitam dekhtay haiN

bohat khoob.

bahut bahut shukriya.

mohammad (sawaw) nay humsay yeh farmaaya haamid
haqaayeq ko ahlay qalam dekhtay haiN

maqt'aa bhi achchha hai.

shukriya janaab.

Mu,addab,
Siddiqui.

sara_j wrote:

haamidbaaqri wrote:Assalaam o alaikum
dosto

hamaari adna kaavish peshay khidmat hai

gar qubool uftad zahay.......

arz kiya hai....

musalsal jau maaN kay qadam dekhtay haiN
woh aankhoN say apni iram dekhtay haiN

mudabbir,mufakkir,muhaqqiq,mu'allim
khuda ko,khuda ki qasam dekhtay haiN

nigaahoN say dil ki nazar aaye maalik
nazar say faqat hum sanam dekhtay haiN

yahaaN bhi khuda hai,wahaaN bhi khuda hai
"nah tum dekhtay ho,nah hum dekhtay haiN"

khuda ki nazar meiN gunahgaar haiN woh
jo chupchaap zulmo sitam dekhtay haiN

mohammed(sawaw)nay humsay yeh farmaaya haamid
haqaayeq ko ahlay qalam dekhtay haiN

nateejaye fikr
haamidbaaqri
al hamdulillah

hamid bhai,

azeezah sara boliye........

bohat piyari ghazal inayat ki hai.

daad qubool keejiye.

bahut bahut shukriya............jazakallah

sara