Muzaffar SaHeb,

Bohat khoob.

mukhliS,
MUHAMMAD K. SIDDIQUI.

Muzaffar Ahmad Muzaffar wrote:Yaraan-e-meHfil aadaab!

mua'aaf keejiye ga. dil peh ikhteyaar naheeN. chand she'er aor ho gae haiN. mulaHiZ^ah farma kar shukriyah ada karne ka maoqa' deejiye!

Ghazal

1,
Woh yooN U'qdah-e-dil ko suljh~a rahe haiN!
teh-e-teeGh Gardan miree laa rahe haiN!

2,
mujh~e ZabH karne meN taakheer kaesee?
Woh be wajh bismil ko taRpaa rahe haiN!

3,
jibillat meN dekh~a hai yeh Aa'shiqooN kee!
jahaaN chal paRe haiN chale jaa rahe haiN!

4,
muHabbat meN yoN tishtah lab bh~ee huwe haiN
keh khun-e-rag-e-jaaN piye jaa rahe haiN!

5,
Woh sang-e-Jafaa apnee taskeeN kee khaat^ir!
mire sheeshah-e-dil peh barsaa rahe haiN!

6,
Woh jis ko khuda ne kinara nah bakhshaa!
U'boor aesaa darya kiye jaa rahe haiN!

7,
musafir haiN ham door reh kar wat^an se!
Ghazal keh ke jee apnaa behla rahe haiN!

8,
Woh but khaanah-e-dil ko mismaar karne!
hath~Re uth~ae chale aa rahe haiN!

9,
har ek Qat^rah-e-khuN huwa Sarf-e-maQtal!
maAl*-e-muHabbat peh itraa rahe haiN!

10,
HuZ^oor is Haqeeqat se inkaar kaesa!
sabh~ee su-e-mulk-e-A'dam jaa rahe haiN!

11,
rah-e-Haq meN NeZooN peh sar rakh~ diye haiN!
"muHabbat meN yeh kiya maqaam aa rahe haiN"


12,
Muz^affar naHusat hai bakht-e-siyah kee!
falak se sitaare gire jaa rahe haiN!

*maAl=nuqSaan, khaSarah, tawaan WaGhaerah.

Muz^affar A Muz^affar

hamaaray azeez bhai muzaffar saahib
Assalaam o alaikum


kaisay mizaaj haiN?

zindagi kaisay chal rahi hai...?

aapki pesh karda ghazleN hameN acchee lagi.

aap itnay ash'aar kaisay kehlaetay haiN?

hum 5,6 ya 7 sher kehletay haiN to hameN aisay lagta haiN keh humnay kuch ziyaadah hi kehdaala.

baharhaal
aapka yeh mashqe sukhan aapko apni manzil tak aik din yaqeenan pahunchaayega.itminaan rakhiye.insha allah.

hamaari dilee daad aapki in dilkash per qubool farmaayeN .

aapka apna
haamidbaaqari

Azeezam,
salam qubool kijiye

Teen biviyaaN tou maiN ne suni theeN; suni kya yahaN Arab world meN apni aaKhoN se dekhi haiN. Magar ek hi zameen meN teen Ghazalen aapke yahaN hee miltee haiN. Achchee koshish hai; iss Ghazal per bhi meri nacheez daad qubool farmaaiyega.

MuKhliS
Jawaid Badauni