Assalaam o alaikum
dosto

taza tarhi ghazal peshay khidmat hai

gar qubool uftad zahay ...........


arz kiya hai

laug yeh qabr meiN kehtay huay aaye ghar say
apnay ghar hum haiN chalay aaye paraaye ghar say

hum samajhtay thay keh daulat hai hamaari lekin
uska ik hissah bhi hum laa nahiN paaye ghar say

badee mehnat say kamaayee thee woh daulat humnay
muft meiN dekay kisee aur kau aaye ghar say

jau kahaa kartay thay hum saath nahiN chaureNge
wohi dafnaanay hameN kaandhoN pe laaye ghar say

ik mufakkir nay jau daali hai nazar duniya per
"kabhie sehra kabhie darya nazar aaye ghar say"

qaulay ahmed(sawaw) yeh zamaanay kau sunaado haamid
sirf eemaano amal saath meiN jaaye ghar say

nateejaye fikr
haamidbaaqari
al hamdulillah

Muzaffar Ahmad Muzaffar wrote:
moHtaram Biradaram Haamid Baaqri SaaHib Assalam Alikum!

muzaffar bhai saahib


salamat baashad!


munfarid aor eemaanafrooz kalam aaj ke daor meN a'nqaa howaa jataa hai. aaj kee Ghazal bhee mua'asharatee aor samaajee masaai'l ke iz^haar kee bheenT chaRhtee dikhaaee detee hai. naz^m kaa bhee woh pehle saa mea'aar nah rahaa. inshapardazooN ne apnee meelan-e-t^abia'at kaa rukh aazaad-o-nacaree naz^m kee janib maooR diyaa hai. aese meN aap kee rashHaat-e-qalam tabarruk kaa darajah rakhtee haiN.


al hamdulillah....

Z^arurat hai keh is Ganj-e-lafz^-o-moa'anee ko qadr kee nigah se dekhaa jae. aor har fard apnaa apnaa tazkiyah-e-nafs karne kaa ehtemaam gar ho jae.

Allah(sbhnwt)karay keh aisa haujaaye.

meree tamaam arakeen-e-meHfil-e-Urdubandhan se iltemaas hai keh woh aap ko bhar poor andaaz meN in kaawishooN par kheraaj-e-teHseen pesh kar ke aap kaa jaae'ij Haq aap ko deeN.

aapkay jazbaat ki hum qadr kartay haiN.JAZKALLAH


laug yeh qabr meiN kehtay huay aaye ghar say
apnay ghar hum haiN chalay aaye paraaye ghar say

maashAhha!

shukriya

hum samajhtay thay keh daulat hai hamaari lekin
uska ik hissah bhi hum laa nahiN paaye ghar say

mashAllah!

shukriya

badee mehnat say kamaayee thee woh daulat humnay
muft meiN dekay kisee aur kau aaye ghar say

mashallah!

shukriya

jau kahaa kartay thay hum saath nahiN chaureNge
wohi dafnaanay hameN kaandhoN pe laaye ghar say

mashAllah!

shukriya

ik mufakkir nay jau daali hai nazar duniya per
"kabhie sehra kabhie darya nazar aaye ghar say"

mashAllah

shukriya

qaulay ahmed(sawaw) yeh zamaanay kau sunaado haamid
sirf eemaano amal saath meiN jaaye ghar say

mashAllah!

shukriya

shukriya.....al hamdulillah

meree janib se is eeman afrooz aor rooHparwar kalam par dil kee gehraiyooN se mubarak baad aor daad qubool keejiye.

bahut bahut shukriya aapki purkhloos daad aur mubaarakbaad ka.jazakallah.

Allah aap kee taHareer-o-taqareer meN barakat Daal de aor zamanah ke dilooN se kadurat kaa gard-e-kohnah door farma kar eemaan ka daae'mee noor bhar de. Aameen!

aameen ya rabbul aalameen

Wassalam
mukhliS
Muzaffar A Muzaffar

aapka apna
haamidbaaqari