muhammad_19k wrote:Mohtaram Janab Haamid Baaqri SaHeb

Salam o Aadaab qubool kijiaye.

[color=red]WA ALAIKUMUSSLAAM........jeete rahiye.[/color]


aap ki ghazal paRhna shroo ki to poori shroo karne se pehlay hi jawaab likhnaa shoor ho gayaa hooN.

zahay naseeb..........


matlaa jo aisaa shaandaar kaha hai aap ne.

bahut bahut shukriya....

woh kehtay haiN keh humnay hai kiya kya
zara see chaut pahunchaayee hua kya

waah waah bohat khoob janab . zaraa si chaut puhanchaai huwaa kyaa ne bohat mazaa diyaa. dilli daad qubool kijiaye.

bahut bahut shulkriya aapka.

hai apnay paas daulat aur shohrat
akad kar nah chaleN tau phir maza kya

waah khoob tanz farmaayaa hai aap ne.

shukriya.

samajhnay kee nahiN humko zaroorat
khudaayee kya hai aur hota khuda kya

hmMMMMmmm. is sher ka doosra miSra! shayed is taraH kuch behtar ho, khudaayee kya hai, hotaa hai khudaa kyaa

sahi farmaa rahay haiN aap.EDIT kardiya hai dekhleN.

chalo aisoN kay baaray meiN yeh dekheN
mohammed mustafa(sawaw)nay hai kaha kya

ohh is sher ko to pehlay walay sher ke saath paRna chahiaye thaa mujhe.

yeh zaalim jaankanee meiN jaanlenge
ajal kehtay haiN kisko hai khuda kya

ye bhi achaa khyaal hai. pehlay miSra ne bohat mazaa diyaa.

shukriya

'amal inka kahegaa khud inheeN say
sata kar doosroN ko hai mila kya

bohat khoob.

shukriya

saza aisee milegee aaj tumko
kahenge sab hai aisee bhi saza kya

waah ji waah.

shukriya.

zabaaN qaaboo meiN rakh aye mere haamid
"nah ho marna tau jeenay ka maza kya"

maqtaa aor giraa ko ikathaa karne ki aik achchi koshish hai.

majmoo' Tor par aise behtareen ghazal kehne par daad o mubaarakbaad qubool kijiaye.

aap baday khuloos say daad detay haiN. jazakallah.

der say jawaab denay keliye hum aapsay muaazirat chaahtAy haiN.

mukhliS,
Muhammad K. Siddiqui.