• ghazaleiN

Posted: **Wed Aug 08, 2007 1:50 am**

muAzziz qaar'een

Assalmao Alaikum w.w

yeh lijiye mujh naacheez ki sA'ee aap sabki khidmat maiN Haazir hai.
maiN ne Ishq-e-Haqeeqi aur Ishq-e-majaazi donoN per Tab'aa aazmaa'ee ki hai
aap sabki aara kaa intezaar rehay gaa. :)

wassalam

badal k dhang insaaN ko milaa kayaa
rawish iskee huee hai Ay Khudaa kayaa

basher kioN ho gaya hai meHv-e-dunyaa?
nahiN iss ko rehaa Tairaa patah kayaa

nah ho idraak jis ko aakherat kaa
ba roz-e-Hash'r phir us kaa rehaa kayaa

nahiN yaksaaniyyat bhaati bashar ko
"nah ho mernaa tau jeene kaa mazaa kayaa?"

meri her naik khwaahish puuri kernaa
maiN is k ba'd aur maangoN duaa kayaa

Teri rehmat k Sadqe jee rehi hoN
wagernah meri hastee hai bhalaa kayaa?

jise dhaaNpe Teri rehamat ki chaader
tau khush bakhti peh uski hai shubah kayaa

khataaien aur gunaah sab muaaf kernaa
meri ho fik'r, hai Teri RaZaa kayaa

talab kerti hoN tujh se maghferat maiN
bajuz is ka hai fikr-e-Tahira Kayaa

------------------------------

moHabbat kayaa hai chaahat kayaa wafaa kayaa
ba- juz kulfat k is maiN hai rakhaa kayaa?

woh kehte haiN keh ham peh mer miTe haiN
"nah ho merna atau jeenay kaa mazaa kayaa"

jo d'Awe peh hameiN un k yaqeeN ho
Khushee se mer nah jaaeiN ge bhalaa kayaa?

yaqeeN un per kareiN jee chaahta hai
zeraa ham bhi tau dekhiN keh huaa kayaa

kiyaa baidaad kaa shikwah tau bolae
zeraa phir se kaho tum ne kehaa kayaa?

hameiN yeh gham keh gar yeh hi wafaa hai
tau ho gee phir bhalaa unkee jafaa kayaa?

nahiN un k binaa jeena, samjh laiN
zeraa si baat ki deiN ge sazaa kayaa?

yeh baateiN yaasiyyat ki Tahira kioN?
karo taubah hai aisee bhi balaa kayaa?

Posted: **Wed Aug 08, 2007 5:06 am**

Tahir ji,

aap ki donoN ghazleN majmoo'ee Tor par bohat achhchhi heN. kuch ashaar to ghazab ke heN jaise ke,

nahiN yaksaaniyyat bhaati bashar ko
"nah ho mernaa tau jeene kaa mazaa kayaa?"

talab kerti hoN tujh se maghferat maiN
bajuz is ka hai fikr-e-Tahira Kayaa

jo d'Awe peh hameiN un k yaqeeN ho
Khushee se mer nah jaaeiN ge bhalaa kayaa?

kiyaa baidaad kaa shikwah tau bolae
zeraa phir se kaho tum ne kehaa kayaa?

donoN he raNg apni apni jagaa khoob heN. is kaamyaab koshish par mubaarakbaad qubool kijiaye.

wasalam,
Muhammad K. Siddiqui.

Posted: **Wed Aug 08, 2007 8:00 pm**

muhammad_19k wrote:Tahir ji,

aap ki donoN ghazleN majmoo'ee Tor par bohat achhchhi heN. kuch ashaar to ghazab ke heN jaise ke,

nahiN yaksaaniyyat bhaati bashar ko
"nah ho mernaa tau jeene kaa mazaa kayaa?"

talab kerti hoN tujh se maghferat maiN
bajuz is ka hai fikr-e-Tahira Kayaa

jo d'Awe peh hameiN un k yaqeeN ho
Khushee se mer nah jaaeiN ge bhalaa kayaa?

kiyaa baidaad kaa shikwah tau bolae
zeraa phir se kaho tum ne kehaa kayaa?

donoN he raNg apni apni jagaa khoob heN. is kaamyaab koshish par mubaarakbaad qubool kijiaye.

bohat bohat shuekriyah Siddiqui Saheb in tareefui kalimaat se mujhe bohat musrrat huee hai

sadaa khush rehaiN

wasalam,
Muhammad K. Siddiqui.