App sab ke samne main phir se hazir hoon, apni pasandida ghalein le kar...ummid hai app ko ye silsila bhi pasand aaye gaa.mulaheza kijye is silsilaye ke shoorwat...

GHAZAL

Dil ki chot ko taza rakhna kitna mushkil hai
Dhoop mein ek aiena rakhna kitna mushkil hai

Ab ahum samjhe andar andar shor ye kaisa hai
Bheed mein khud ko tanha rakhna kitna mushkil hai

Lamha lamha mar kar jeene wal'oun se poocho
Apne app ko zinda rakhna kitna mushkil hai

Mana sab jhuk kar milna fun hai jeene kaa
Lekin sab se rishta rakhna kitna mushkil hai.