• mera Khaali kamrah tha aur tanha maiN

Posted: **Fri Nov 02, 2007 7:54 am**

HaaZreen e meHfil aadaab.

aik Ghazal paish e Khidmat hai, is ummeed keh saath keh aap apni aaraa say mehroom nahiN kareiNge. Shukriyah.

kal KhuaboN ki nagri se jab nikla maiN
mera khaali kamrah tha aur tanha maiN

yaadoN ki rim Jhim maiN bhi thi ruswayee
tujhko bhool gaya hoN aur kya karta maiN

Khudse jeet k Khudko kab tak deta maat
apne aap se kitna aage jaata maiN

tum ko manzil Khud ko rasta kar Daala
apni khoj mai aakhir kab tak rehta maiN

shikva hai naa khud per koi zo^m magar
aisa koi aur bata hoN jaisa maiN

uska mera kya rishta aur kya naaTa?
samjho Doobne wala wo aur tinka maiN

yaad hai abtak maayusi ki shaam Sameer
aik diye kii Khaatir kitnaa tarsaa maiN

SAMEER

Posted: **Fri Nov 02, 2007 3:45 pm**

buhat khoob

Posted: **Sat Nov 03, 2007 4:23 pm**

zmufti wrote:buhat khoob

shukriyah janaab....mamnoon e karam hoN.

SAMEER

Posted: **Sun Nov 04, 2007 9:22 pm**

moHtaram Naeem Sameer SaaHib aadaab!

Aap kee Ghazal dekhee. mashAllah bohot khubSurat asha'aar haiN. jo aap ke she'eree zaoq aor fannee leyaqat kaa pataa dete haiN. ummeed hai keh aap apnaa she'eree safar tark nah kareeN ge. aor she'er-o-sukhan se wabastah raheeN ge.

Allah aap ko khush rakhe.
Wassalam
Muzaffar A Muzaffar

Posted: **Mon Nov 05, 2007 1:45 pm**

Muzaffar Ahmad Muzaffar wrote:moHtaram Naeem Sameer SaaHib aadaab!

Aap kee Ghazal dekhee. mashAllah bohot khubSurat asha'aar haiN. jo aap ke she'eree zaoq aor fannee leyaqat kaa pataa dete haiN. ummeed hai keh aap apnaa she'eree safar tark nah kareeN ge. aor she'er-o-sukhan se wabastah raheeN ge.

Allah aap ko khush rakhe.
Wassalam
Muzaffar A Muzaffar

moHtaram Muzaffar SaaHib. aadaab.

aap neh is Tifl e maktab ko apni qimiti aaraa say navaaza is keh liye bayHad shukriyah. she'ree safar keh jaari rakhney keh liye mujhe aapki aaraa keh saath saath aapki dua'oN kii bohat zarurat hai. bara e karam dua maiN zaroor yaad rakhye gaa.shukriyah.

Taalib e duaa

SAMEER

Posted: **Mon Nov 05, 2007 3:55 pm**

Mohtaram Sameer Saheb

ghazal ka har sheir qabil-e-daad hai.
Meri dili daad aur mubarakbaad qubool farmayega.
Mukhlis
Salem Bashwar

Posted: **Wed Nov 07, 2007 8:08 pm**

sbashwar wrote:Mohtaram Sameer Saheb

ghazal ka har sheir qabil-e-daad hai.
Meri dili daad aur mubarakbaad qubool farmayega.
Mukhlis
Salem Bashwar

Ghazal kii pasandidgi aur meri hauSlaa afzaaii keh liye bohat bohat shukriah.

SAMEER

Posted: **Fri Nov 09, 2007 9:38 pm**

sara_j wrote: salaam Sameer sahib aur urdubandhan per khushamdeed!

sara

Wa~Alaikum Assalaam Sara SaaHibah.
aap keh Khuloos kaa bohat bohat shukriah, waise Khaaksaar taQreeb" 2 maah say is forum par mojood hai.

Taalib e duaa

SAMEER

Posted: **Sun Nov 11, 2007 2:42 pm**

wah bohot khoob janab

Posted: **Wed Nov 14, 2007 2:28 pm**

Atiq-ur-Rehman Saffy wrote:wah bohot khoob janab

Ghazal kii pasandidgi key liye bayHad shukriyah.

mamnoon e karam

SAMEER